“Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох.” ЦЕГЗЦА/202105010 дугаартай тендерийн техникийн шаардлагын “Нэгдсэн хяналтын төвд ажиллах систем, программ хангамж: хэсгийн "1.16. Нийлүүлэгдэх систем, программ хангамж нь цаашид холболтын цэгийн тоог нэмэх, өргөтгөх, хөгжүүлэлт хийх боломжтой байх бөгөөд, өмчлөгч нь Цагдаагийн байгууллага /Тээврийн цагдаагийн алба/ байна." заасны дагуу тухайн программ хангамжийн source code-г бүрэн хэмжээгээр хүлээлгэн өгнө гэж ойлгох эсэх дээр программ хангамжийн үнийг бүрэн шийдсэн, программын үнийг бүрэн худалдаж авах байдлаар тендерт үнийн санал өгнө гэж ойлгох нь зөв эсэх тал дээр тодруулга өгнө үү.

Хариулт: Тус албаны зүгээс Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 46 дугаар зүйлийн 46.1.4 дэх хэсэгт заасныг баримтлан, батлагдсан төсөвт багтаан зорилтод үйл ажиллагааг үр ашигтай төлөвлөж, тендерт оролцогчдоос ирүүлсэн техник, тоног төхөөрөмж, мэдээллийн системийг хүлээн авч, цаашид холболтын цэгийн тоог нэмэх, өргөтгөх, хөгжүүлэлт хийх боломжтой байх шаардлагыг тавьж, программ хангамжийн нэмэлт өөрчлөлт, өргөтгөл, сайжруулалтай холбоотой төлбөр төлөхгүй, цагдаагийн байгууллага бие даан хөгжүүлэх боломжтой байхаар техникийн тодорхойлолт, тавигдах шаардлагыг боловсруулсан.

Хүргүүлж байгаа тодруулгатай танилцаж, тендерийн баримт бичигт тавигдсан шаардлагыг хангасан, хамгийн сайн тендерийн материалыг бэлтгэн ирүүлж, амжилттай оролцохыг хүсье.

Тус албанаас зарласан “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох.” ЦЕГЗЦА/202105010 дугаартай тендерт оролцох хүсэлтэй нэр бүхий хуулийн этгээдээс цахимаар ирүүлсэн хүсэлтийн дагуу Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 22 дугаар зүйлд заасны дагуу дараах тодруулгыг хүргүүлж байна. Үүнд:

1.Асуулт: “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох.” ЦЕГЗЦА/202105010 дугаартай тендерийн шаардлагад тусгагдсан дараах байршлын мэдээлэлтэй холбоотой ирүүлсэн тодруулга:

“Налайх 47°78'6.25'' 107°29'5.08, Багануур 47°46'51.26'' 107°12'39.82'' тус байршил олдохгүй байна” 2022.12.08-ны өдөр.

Хариулт: “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох.” ЦЕГЗЦА/202105010 дугаартай тендерийн шаардлагад тусгагдсан дараах байршлын мэдээлэлтэй холбоотой 2022 оны 12 дугаар сарын 08-ны өдөр  ирүүлсэн тодруулгад тусгагдсан мэдээллийг google map программаас хайж дараах мэдээллийг хүргүүлж байна.

1. Налайх дүүргийн цагдаагийн байнгын хяналтын цэгийн байрлал тендрийн баримт бичигт дурдсан 47°78'6.25'' 107°29'5.08 цэгээр хайлт хийхэд   https://www.google.com/maps/place/47%C2%B047'10.5%22N+107%C2%B017'42.3%22E/@47.7861399,107.297768,750m/data=!3m1!1e3!4m13!1m7!3m6!1s0x0:0x631476032ee0b6d1!2zNDfCsDQ3JzEwLjUiTiAxMDfCsDE3JzQyLjMiRQ!3b1!8m2!3d47.78625!4d107.295081!3m4!1s0x0:0x631476032ee0b6d1!8m2!3d47.78625!4d107.295081 цахим холбоосоор шалгахад цагдаагийн байнгын хяналтын цэгийн байршил оновчгүй “Налайх- Тэрэлж”-ийн чиглэлийн авто замын “Төлбөр авах цэг”-ийг зааж байгаа тул дараах залруулгыг хүргэж байна.

Налайх дүүргийн цагдаагийн байнгын хяналтын цэг /пост/-ийн байршлын мэдээлэл: 47°78'62.79'' 107°30'04.24

2. Багануур дүүргийн цагдаагийн байнгын хяналтын цэгийн байрлал тендрийн баримт бичигт дурдсан 47°46'51.26'' 107°12'39.82'' цэгээр хайлт хийхэд   https://www.google.com/maps/place/47%C2%B027'54.5%22N+107%C2%B007'26.3%22E/@47.6686579,106.8469087,68238m/data=!3m1!1e3!4m5!3m4!1s0x0:0xf5e4158844fe1978!8m2!3d47.465126!4d107.123982 цахим холбоосоор шалгахад цагдаагийн байнгын хяналтын цэгийн байршил оновчгүй, зөрүүтэй байх тул дараах залруулгыг хүргэж байна.

Налайх дүүргийн цагдаагийн байнгын хяналтын цэг /пост/-ийн байршлын мэдээлэл: 47°78'08.34'' 108°33'72.14

Тодруулга хүргүүлэх тухай

Тус албанаас зарласан “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох.” ЦЕГЗЦА/202105010 дугаартай тендерт оролцох хүсэлтэй нэр бүхий компаний 2022 оны 12 дугаар сарын 09-ний өдрийн “Тодруулга хүсэх тухай” 22/231 дугаартай албан бичгээр ирүүлсэн хүсэлтийн дагуу Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 22 дугаар зүйлд заасны дагуу дараах тодруулгыг хүргүүлж байна. Үүнд:

            1.Асуулт: Тендерийн баримт бичгийн 3-р бүлэг, “Техникийн тодорхойлолт, тавигдах шаардлага”-ын 1-р хэсэг: 1.3. Тээврийн хэрэгслийн дундаж хурдыг тооцоолон гаргадаг байх.      “Дундаж хурд”-ыг тодорхойлж өгнө үү? Аялалын хурд гэж ойлгож болох уу?

            Хариулт: “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох” ЦЕГЗЦА/202105010 дугаартай тендерийн баримт бичигт заасан “Тээврийн хэрэгслийн дундаж хурдыг тооцоолон гаргадаг байх” гэсэн шаардлага нь олон улсын болон улсын чанартай авто зам дагуу байрлах байнгын хяналтын цэг /пост/-т тавигдсан хяналтын камерын тусламжтай “А” цэгээс “Б” цэгийн камерын бүртгэлийн мэдээллийг цэг хоорондын авто замын уртын мэдээлэлтэй харьцуулан, мэдээллийн систем дээр боловсруулалт хийж, Монгол Улсын Замын хөдөлгөөний дүрмийн 12 дугаар зүйлийн 12.4, 12.5 дахь хэсэгт заасан хурдыг хэтрүүлсэн эсэхийг тооцоолж, зөрчил гаргасан этгээдэд хууль тогтоомжид заасан хариуцлага оногдуулахуйц мэдээллийг боловсруулж, мэдээллийн санд бүртгэх боломжтой байх гэж ойлгоно.

            Энэ талаар тус албанаас 2021, 2022 онд зохион байгуулсан технологийн компаниудтай хийсэн уулзалт дээр дэлгэрэнгүй мэдээлэл, танилцуулга хийгдсэн бөгөөд танай компани энэхүү уулзалтад оролцсон байна.

2.Асуулт: 1.6. Гуравдагч этгээдийн программыг суулгахгүй, вэб интерфэйсээр (Google Chrome, Microsoft Edge, Mozilla Firefox, Internet Explorer, Safari гэх мэт) үндсэн систем, программ хангамж руу нэвтэрч, хяналт, удирдлага хийх боломжтой байх.

“Гуравдагч этгээдийн программ” гэдгийг тодорхойлж өгнө үү?

Хариулт: Үндсэн болон дагалдах системийн программ хангамжууд нь өөр төрлийн буюу  гуравдагч этгээдийн программыг ашиглахгүйгээр нэг цогц, харилцан уялдаатай ажиллах шаардлагатай байгааг тодорхойлж өгсөн. Өөрөөр хэлбэл цахим мэдээллийн аюулгүй байдлыг хангаж, иргэдийн зорчих хөдөлгөөний мэдээллийг бүртгэх боломжтой, Та бүхнээс нийлүүлэгдэх систем, программ хангамж нь цогц систем байдлаар ажиллаж, тендерийн баримт бичигт заагдсан үндсэн систем байрших “Тээврийн цагдаагийн алба”-ны үндсэн серверээс бусад төрлийн систем, мэдээлэл боловсруулах программууд ажиллахгүй гэж ойлгож болно.

3.Асуулт: 3.1. Тээврийн хэрэгслийн дугаар таних, зөрчил илрүүлэх тусгай зориулалтын камер нь улсын дугаарыг 50 метр болон түүнээс дээш зайнаас өдөр, шөнө мэдрэх, олон улсын IP66 or NEMA 4x rated, IK10 стандарт хангасан байх. 3.2. Камерт нэмэлт инфра гэрэл (High Power infra-Red Illuminator)-тэй байх ба 70 метр болон түүнээс дээш зайнд мэдэрч гадаа (-40~+60) ажиллах зориулалттай байх.

3.1, 3.2-т заасан уг хоёр үзүүлэлт нь бие даасан хоёр тусдаа төхөөрөмжийг тодорхойлж байна уу? Техникийн шаардлагыг хангасан нэг төхөөрөмж санал болгож болох уу? Энэ нь цахилгааны тэжээлийн эх үүсвэрээс эхлээд тоног төхөөрөмжийн арчилгаа, үйлчилгээтэй холбоотой олон асуудлыг шийдвэрлэж чадна гэж үзэж байна.

Хариулт: Манай байгууллагаас олон улсын болон улсын чанартай авто зам дагуу байрлах байнгын хяналтын цэг /пост/, нийслэлийн зарим уулзваруудад тавигдсан улсын дугаар таних, зөрчил илрүүлэх хяналтын камер, тоног төхөөрөмжөөр тоноглох ажлыг үе шаттай хэрэгжүүлсэн.

Монгол орны байгаль, цаг уур, газар зүйн байршил, хөдөлгөөнд оролцож байгаа тээврийн хэрэгслийн улсын дугаарыг санаатай болон санамсаргүй байдлаар өөрчилсөн,   гадны нөлөөтэй бохирдсон, гэмтсэн зэргээс шалтгаалан хяналтын камерууд дээр нэмэлт инфра гэрэл тавьж өгөх нь улсын дугаарыг бүрэн таньж, бүртгэхэд ихээхэн үр дүнтэй байгаа нь практикаар нотлогдож байдаг.

Гэхдээ техник, технологийн хөгжил, дэвшилтэй уялдаатай нэг төрлийн камераар дээрх бүх шаардлагыг хангаж байгаа тохиолдолд тухайн бүтээгдэхүүнийг бид шаардлага хангаж байна гэж үзэх боломжтой.

 4.Асуулт: Тендерийн баримт бичгийн 3-р бүлэг, “Техникийн тодорхойлолт, тавигдах шаардлага”-ын 7-р хэсэг: Нэгдсэн программ хангамж, систем. Архитектур: Private Cloud, Cloud Analytics, Recording, Kubernetes Docker container байх. Клауд видео менежмент: Хэрэглэгч дурын төхөөрөмжөөс дурын вэб хөтөчийг ашиглан өөрийн дэлгэцэнд үзэх боломжтой байх.

“Private Cloud” буюу үүлэн бүтэцтэй, “Cloud Analytics” буюу үүлэн дээр боловсруулалт хийх гэх мэт технологийн дэвшилийг агуулсан шийдэл мэт харагдаж байгаа ч “Үүлэн” тооцоололын сервер зайлшгүй шаардлагатай болдог. Kubernetes Docker container ашиглах шийдэлийг техникийн шаардлагад оруулсан гэж ойлгогдож байна. Энэ чиглэлийн олон шийдэл байдаг ч “үүлэн” дээр өгөгдөл боловсруулах технологийн шийдэл нь тогтмол хугацаанд төлбөр төлөх шаардлагатай байдаг. Жишээ нь нэг төхөөрөмжийн эсвэл нэг аналитик үйлдлийн “үүлэн” тооцоололын зардал жилд $ 10,000.00 орчим байдаг. Энэ нь системийг бий болгох гарааны зардал нь хямдхан мэт харагдаж болох ч эцсийн хэрэглэгчийн зардал (TCO, Total Cost of Ownership) жилээс жилд өндөр байхаар харагдаж байна. Иймд эцсийн хэрэглэгчийн зардлыг хамгийн бага байлгах зорилгоор “нэг удаа төлөөд үргэлжлүүлэн хэрэглэх” буюу биет серверт сууриласан аналитикийн шийдэл санал болгож болох уу?

Хариулт: Тус албанаас 2021 оны 08 дугаар, 2022 оны 09 дүгээр сард Монгол Улсад үйл ажиллагаа явуулж, олон улсын тэргүүн туршлага, дэвшилтэт техник, технологийг нэвтрүүлэх, гудамж, талбайг камержуулах чиглэлээр ажиллаж байгаа 20 гаруй компаниудыг урьж “Зам тээврийн осол, зөрчлөөс урьдчилан сэргийлэх, зөрчил илрүүлэх, бүртгэх, хяналт тавих нэгдсэн системийн төсөл”-ийн талаар нээлттэй танилцуулж, технологийн шийдэл, шаардлагатай тоног төхөөрөмжийн талаар танилцуулж, Та бүхэнтэй хамтран ажиллах санал тавьсан.

 “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох” ЦЕГЗЦА/202105010 дугаартай тендерээр худалдан авсан сервер, систем, тоног төхөөрөмж дээр ажиллах системийн тусламжтай цагдаагийн байгууллагын дотоод сүлжээний орчинд ажиллах “Private Cloud” буюу үүлэн бүтэцтэй, “Cloud Analytics” буюу үүлэн дээр боловсруулалт хийх боломжтой системийн эхлэлийг тавьж, цаашид олон улсын болон улсын чанартай авто зам дагуу байрлах байнгын хяналтын цэг /пост/-ийн 62, зам тээврийн осол, хэрэг, зөрчил ихээхэн үйлдэгдэж байгаа 109 цэг, нийслэлийн 7 “Шалган бүртгэх товчоо”-д тавигдах камерууд болон орон нутгийн авто зам дагуу байгуулагдсан 33 “Төлбөр хураах цэг”-т тавигдсан камеруудыг нэгтгэж, хиймэл оюун ухаанд суурилсан системийг нэвтрүүлэх, дэвшилтэт технологийг ашиглахаар зорьж байна.

Та бүхэн Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 46 дугаар зүйлийн 46.1.4 дэх хэсэг “худалдан авах бараа, ажил, үйлчилгээг батлагдсан төсөвт багтаан үр ашигтай төлөвлөж, зохион байгуулах” захиалагчийн эрхийг хүндэтгэж, техникийн шаардлагад нийцсэн шийдлээр “Олон улсын болон улсын чанартай авто зам дагуу байрлах байнгын хяналтын цэг /пост/-ийг улсын дугаар таних, зөрчил илрүүлэх болон бусад хяналтын камер, тоног төхөөрөмжөөр тоноглох” ЦЕГЗЦА/202105010 дугаартай тендерт оролцохыг хүсье.

5.Асуулт: Дэмжих камер: Ямар ч брэндийн камерыг дэмжиж ажиллах ба, одоо ажиллаж байгаа камеруудыг нэмж ашиглах боломжтой байх.

Одоо ажиллаж байгаа камеруудын техникийн үзүүлэлт, тоо ширхэгийг өгнө үү?

Хариулт: Цагдаагийн байгууллага гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, автозамын хөдөлгөөнд хяналт тавих чиглэлээр нийслэлд 2010, аймгуудад 2012 оноос эхлэн улсын болон орон нутгийн төсвийн хөрөнгө оруулалтаар хэрэгжүүлсэн нийт 7032 (нийслэлд 3712, орон нутагт 3320) ширхэг теле хяналтын камертай бөгөөд үүнээс 3993 буюу 56,7 хувь нь хэвийн ажиллагаатай, 3044 буюу 43,3 хувь нь цахилгаан тэжээл, шилэн кабель, утасгүй сүлжээ, камер бусад тоног төхөөрөмжийн гэмтлийн улмаас ажиллахгүй байна.

Дээрх хугацаанд нийлүүлэгдсэн камер болон дагалдах системүүд нь өөр өөр үйлдвэрлэгчийн бараа бүтээгдэхүүн байдаг тул камер бүрийн техникийн үзүүлэлтийг нэг бүрчлэн гаргаж хүргүүлэх боломжгүй байна.

6.Асуулт: Виртуалчлал: Виртуалчлалын орчинд Docker lightweight containers гэх зэрэг дэвшилтэд технологи ашиглах, маш бага техникийн нөөц шаардах, ухаалгаар зохицуулдаг боломжтой байх.

“Маш бага техникийн нөөц” гэдгийг тодорхойлж өгнө үү?

7.Асуулт: Өгөгдлийн сан: Хамгийн найдвартай, өргөтгөх боломжтой, алдаанд тэсвэртэй, их өгөгдлийг хадгалах, өртөг, зардал багатай, видео хяналтын системүүд дээр ашиглагддаг байх.

“Хамгийн найдвартай” гэдэг технологийн тодорхойлолтыг тодорхойлж өгнө үү?

“Алдаанд тэсвэртэй” гэдэг технологийн тодорхойлолтыг тодрхойлж өгнө үү?

“Их өгөгдөл хадгалах” гэдэг нь ямар хэмжээтэй өгөгдөл байх вэ?

Хариулт 6, 7: Монгол Улсын “Алсын хараа-2050” урт хугацааны хөгжлийн бодлого, Засгийн газрын 2020-2024 оны үйл ажиллагааны хөтөлбөр, “Шинэ сэргэлтийн бодлого”-д Улаанбаатар хот, аймгийн төв, томоохон суурин газрын гудамж, талбай, улсын болон орон нутгийн авто замын 50 хувийг камержуулж, иргэдийг гэмт халдлага, зөрчлөөс хамгаалах нөхцөлийг сайжруулах, тээврийн ухаалаг системд суурилсан авто замын хөдөлгөөний удирдлага, хяналт, зохицуулалт, осол, зөрчлийг бүртгэх мэдээллийн нэгдсэн системийг нэвтрүүлэх ажлыг зохион байгуулахаар төлөвлөсөн.

Тус албанаас Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 46 дугаар зүйлийн 46.1.4 дэх хэсэгт заасныг баримтлан, батлагдсан төсөвт багтаан зорилт, бодлого, үйл ажиллагааг амжилттай хэрэгжүүлж, камержуулах ажлыг үр ашигтай төлөвлөж, тендерт оролцогчдоос ирүүлсэн оновчтой техникийн шийдэл нь маш бага техникийн нөөцөөр, хамгийн найдвартай байдлаар боловсруулан ажиллах, өргөтгөх боломжтой, аливаа төрлийн алдаанд тэсвэртэй, их өгөгдлийг хадгалах, өртөг, зардал багатай нэгдсэн системтэй болох зорилтыг агуулж байгаа юм.

Өөрөөр хэлбэл замын хөдөлгөөний аюулгүй байдлыг хангах, осол, зөрчлөөс урьдчилан сэргийлэх, иргэдийн амь нас, эрүүл мэндийг хамгаалахын тулд Та бүхний ирүүлсэн техникийн шийдэл, техник, тоног төхөөрөмж дээрх шаардлагын дагуу ажиллах ёстой.

Мэдээж одоо ашиглагдаж байгаа теле камер болон худалдан авалтын хүрээнд нийлүүлэгдэх теле камерууд, олон улсын болон улсын чанартай авто зам дагуу байрлах байнгын хяналтын цэг /пост/-ийн 62, зам тээврийн осол, хэрэг, зөрчил ихээхэн үйлдэгдэж байгаа 109 цэг, нийслэлийн 7 “Шалган бүртгэх товчоо”-д, орон нутгийн авто зам дагуу байрлах 33 “Төлбөр хураах цэг”-т тавигдсан камеруудын дүрс, мэдээлэл нэгтгэгдэж, их өгөгдөлийг хадгалах шаардлага үүснэ.

8.Асуулт: Дэд бүтэц: Олон улсад ашиглагдаж байгаа технологи байх. Өндөр хурдны болон үүрэн холбооны 3G, 4G сүлжээгээр цэгүүдээс холбогдох, цэгийг удирдах, сүлжээнд ямар нэг саатал гарсан үед оплайн /of line/ горимд ажиллах, олон хэрэглэгч, дурын төхөөрөмж дээр ашиглах боломжтой байна. Олон хэрэглэгч хандах, ашиглах, хязгаар, зөвшөөрлийн хүрээнд хандалт хийх боломж бүхий үндэсний үүлэн технологид суурилсан дэд бүтэц үүсгэх.

“Олон хэрэглэгч, дурын төхөөрөмж дээр ашиглах боломжтой” гэсэн шаардлагад хэдэн хэрэглэгч байх вэ?

“Үндэсний үүлэн технологид суурилсан дэд бүтэц үүсгэх” гэсэн шаардлагад дурьдсан Үндэсний үүлэн технологийн техникийн үзүүлэлтийг өгнө үү?

Хариулт: Тендерийн баримт бичгийн 3-р бүлэг, “Техникийн тодорхойлолт, тавигдах шаардлага”-ын 7-р хэсэгт заасан нэгдсэн программ хангамж, систем нь цагдаагийн байгууллагын нэгдсэн сүлжээний орчинд ажиллах үүлэн технологи (Private Cloud, Cloud Analytics)-д суурилсан, цагдаагийн байгууллагын хэрэглэгч дурын төхөөрөмж /суурин болон зөөврийн компьютер, хөдөлгөөнт төхөөрөмж гар утас, таблет гэх мэт/-өөс, түгээмэл вэб хөтөчийг ашиглан боловсруулагдсан мэдээллийг үзэх, ашиглах боломжтой байх технологийн шаардлагыг ойлгож болно.

9. Асуулт: Хяналтын цэг /пост/-т суурилуулах тоног төхөөрөмж: Улсын дугаар таних тусгай зориулалтын /LPR/ камерын үзүүлэлт хэсэгт: 4-Megapixel (2592 x 1944) Resolution @ 30 fps, support H.265, H.265/ H.264/ M-JPGE Triple Streaming, H.265, H.264, MJPEG codec supported, multiple streaming, Day & Night (ICR), WDR (150dB), Defog, Defocus detection, Directional detection, Fog detection, Face detection, Motion detection, Digital auto tracking, Appear/Disappear, Enter/Exit, Loitering, Tampering, Virtual line, Audio detection, Sound classification, SD/SDHC/SDXC memory slot (Max. 512GB), NEMA 4X, IK10, -40°C ~ +55°C (-40°F ~ +131°F) / Less than 90% RH, IP67 –оос дээш. Дүйцэхүйц үзүүлэлттэй байх гэж шаардсан байна.

Улсын дугаар таних зориулалтын камерт Face detection (хүний нүүр царай илрүүлэх), Motion detection (хөдөлгөөн илрүүлэх), Digital auto tracking (автоматаар дагах тоон функц), Appear/Disappear (алга болсон/гарч ирсэн биетийг илрүүлэх), Enter/Exit (оролт/гаралтыг илрүүлэх), Loitering (тэнүүчлэх, сэлгүүцэх хүнийг илрүүлэх), Tampering (Хөнлөнгийн оролцоог илрүүлэх), Virtual line (вируал шугам үүсгэх), Audio detection (дуу авиа илрүүлэх), Sound classification (дууг ангилах) гэх мэт хэв журмын зориулалттай функцүүд шаардлагатай эсэхийг тодорхойлж өгнө үү?

Шаардлагатай бол юунд хэрэглэх, ямар тохиолдуудад ашиглагдахыг тодорхой гаргаж өгнө үү?

Дээрх үзүүлэлтэд тээврийн хэрэгслийн улсын дугаар илрүүлэх тухай ямар ч үзүүлэлт, технологийн шаардлага байхгүй байна. Иймд уг үзүүлэлтийг баримтлахгүйгээр улсын дугаар илрүүлэх, таних, мэдээлэл боловсруулж илгээдэг мэргэжлийн камераар техникийн санал өгч оролцож болох уу?

Хариулт: Тендерийн баримт бичгийн “3-р бүлэг”-ийн Техникийн тодорхойлолт, тавигдах шаардлага хэсгийн “Гурав, хяналтын цэг /пост/-т суурилуулах тоног төхөөрөмж” хэсгийн “Хяналтын цэг /пост/-т суурилуулах тоног төхөөрөмж: Улсын дугаар таних тусгай зориулалтын /LPR/ камер: 4-Megapixel (2592 x 1944) Resolution @ 30 fps, support H.265, H.265/ H.264/ M-JPGE Triple Streaming H.265, H.264, MJPEG codec supported, multiple streaming, Day & Night (ICR), WDR (150dB), Defog Defocus detection, Directional detection, Fog detection, Face detection, Motion detection, Digital auto tracking, Appear/Disappear, Enter/Exit, Loitering, Tampering, Virtual line, Audio detection, Sound classification SD/SDHC/SDXC memory slot (Max. 512GB), NEMA 4X, IK10, -40°C ~ +55°C(-40°F ~ +131°F) / Less than 90% RH, IP67 –оос дээш. Дүйцэхүйц үзүүлэлттэй байх” гэж заасан нь цагдаагийн байгууллагын гэмт хэрэгтэй тэмцэх, нийтийн хэв журам хамгаалах, олон нийтийн аюулгүй байдлыг хангах, автозамын хөдөлгөөнд хяналт тавих чиг үүргийг хэрэгжүүлэхэд дэмжлэг үзүүлэхүйц техникийн шаардлагыг хангасан теле камерыг сонгож, авах зорилготой юм.

Хэрэв танай нийлүүлж байгаа бараа, бүтээгдэхүүнд дээрх үзүүлэлтийг өөр өөр төрлийн камераар гүйцэтгэдэг бол төрөл, тоог нь нэмэгдүүлэн уг тендерт материалаа ирүүлэх боломжтой.

Хүргүүлж байгаа тодруулгатай танилцаж, тендерийн баримт бичигт тавигдсан шаардлагыг хангасан, хамгийн сайн тендерийн материалыг бэлтгэн ирүүлж, амжилттай оролцохыг хүсье.