ТЕНДЕРТ ОРОЛЦОГЧ КОМПАНИУДЫН АНХААРАЛД: ​

Шударга өрсөлдөөн хэрэглэгчийн төлөө газраас 2018 оны 06 дугаар сарын 13-ны өдөр 2/852 албан тоотын дагуу ТОӨЗ 5.3(б)  Төлөөлөх эрх бүхий гишүүн сүүлийн 3 жилийн /2015, 2016, 2017 он/  аль нэг жилд санал болгож буй үнийн дүнгийн 80 хувиас багагүй нэг ажил хийсэн байх гэсэн шаардлагыг 70 хувь болгож буулгаж байна.

ТОӨЗ 5.3(д) болон ТОӨЗ 4.4(в) нэмсэн тодруулгыг өөрчлөхгүй болохыг мэдэгдэж байна. ТОӨЗ 4.4(в) -т 2018 оны 05 дугаар сарын 31 тодруулга тавьсан учраас компаниудад хангалттай хугацаа өгсөн болно.

Аригшан ХХК–ны 2018 оны 06 дугаар сарын 04-н өдрийн 102-р албан тоотоор Шударга өрсөлдөөн хэрэглэгчийн төлөө газард гомдол гаргасан учраас  Шударга өрсөлдөөн хэрэглэгчийн төлөө газраас 2018 оны 06 дугаар сарын 04-ны өдөр 1/803-р албан тоотоор “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 55 дугаар зүйлийн 55.4 заасны дагуу гомдлыг хэлэлцэж, шийдвэрлэх хүртэлх хугацаанд уг тендерт захиалагчийн шийдвэр буюу үйлдлийг түр түдгэлзүүлж тендерийн нээлтийг 2018 оны 06 дугаар сарын 04 өдрөөс 14 хоног сунгасаныг мэдэгдье.

Тендерт оролцогч компаниудын анхааралд:

Монстрой эра ХХК –иас 2018 оны 05 дугаар сарын 22-ны өдөр 31-р албан тоотоор ТОӨЗ 5.3 (д) түргэн хөрвөх чадвартай хөрөнгө болон банкнаас авах боломжтой зээлийн хэмжээ санал болгож буй үнийн дүнгийн 20 хувиас багагүй байх гэж тусгасан боловч үүнийг бүхэлдээ арилжааны банк зээл олгох боломжтой тодорхойлолтоор нотолно гэж заасан нь ойлгомжгүй, Мөн түргэн хөрвөх чадвартай хөрөнгө гэдэгт бараа материалын үлдэгдлийг тооцох уу гэж ирүүлсэн байна. 

Мэдээлэл холбооны сүлжээ төрийн өмчит ХХК-иас 2018 оны 05 дугаар сарын 22-ны өдрийн 83/60 тоот албан тоотоор Уг үерийн хамгаалалтын далан нь манай байгууллагын хот хоорондын болон аймаг сумдын шилэн кабелыг хөндлөн огтолж Бугат Радио релейн 138 дугаар станцын чиглэлийн кабелын трасс дээр давхацсан зураг төсөв гарчээ. Үүнийг мэргэжлийн компаниар хийлгүүлэх санал ирүүлсэн байна.

2018 оны 05 дугаар сарын 31-ны өдөр 16:00 цагт үнэлгээний хороо хуралдаж Баян-Өлгий аймгийн Өлгий сумын үерийн усны хамгаалалтын далан сувгийн эхний ээлжийн ажлын тодруулгад дараах шаардлагыг оруулж байна:

Тендерийн баримт бичгийн ТОӨЗ 5.3 (д) түргэн хөрвөх чадвартай хөрөнгө болон банкнаас авах боломжтой зээлийн хэмжээ санал болгож буй үнийн дүнгийн 20 хувиас багагүй гэснийг.

1. Харилцах дансан дахь үлдэгдэл нь санал болгож буй үнийн дүнгийн 10 хувиас доошгүй мөнгө байршуулсан байх.

2. Арилжааны банкнаас авах боломжтой  зээлийн тодорхойлолт нь санал болгож буй үнийн дүнгийн 10 хувиас доошгүй байх.

3. Бараа материалын үлдэгдлийг түргэн хөрвөх чадвартай хөрөнгөнд тооцохгүй.

4. ТОӨЗ 5.2 Үерийн далангийн зураг дээр шилэн кабелыг хөндлөн огтолж буй мөн трасс дагуу давхацсан хэсэгт Мэдээлэл холбооны сүлжээ ХХК-иас техникийн нөхцөл авах.

5. ТОӨЗ 4.4.(в) Харилцаа холбооны зохицуулах хорооноос олгодог тухайн орон нутагт үйл ажиллагаа явуулах “Б” ангиллын “Гадна холбооны кабел шугамын угсралт, суурилуулалт, засвар”-ын ажил хийх тусгай зөвшөөрөлтэй байх.

6. Тендерийн баримт бичиг дээр ижил төстэй ажил дээр заавал үерийн далан хийсэн байх ёстой гэж тусгайлан зааж өгөөгүй учраас энд бол барилга угсралт болон дэд бүтцийн ямар нэгэн ажил хийсэн компаниуд бүрэн орох боломжтой.

7. Төлөөлөх эрх бүхий гишүүн сүүлийн 3 жилийн /2015, 2016, 2017 он/  аль нэг жилд санал болгож буй үнийн дүнгийн 90 хувиас багагүй нэг ажил хийсэн байх гэсэн шаардлагыг 80 хувь болгож буулгаж байна.

Аригшан ХХК–ны 2018 оны 05 дугаар сарын 22-н өдрийн 97-р албан тоотоор Шударга өрсөлдөөн хэрэглэгчийн төлөө газард гомдол гаргасан учраас  Шударга өрсөлдөөн хэрэглэгчийн төлөө газраас 2018 оны 05 дугаар сарын 23-ны өдөр 1/744-р албан тоотоор “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 55 дугаар зүйлийн 55.4 заасны дагуу гомдлыг хэлэлцэж, шийдвэрлэх хүртэлх хугацаанд уг тендерт захиалагчийн шийдвэр буюу үйлдлийг түр түдгэлзүүлж 2018 оны 05 дугаар сарын 23 өдрөөс 14 хоног сунгасаныг мэдэгдье.