Шийдвэр гүйцэтгэх ажиллагаа дуусгавар болсон тухай 2019 оны 11 дүгээр сарын 20-ны өдрийн 11/1118 дугаартай тогтоол гарсан байна. /Шийдвэр гүйцэтгэх ажиллагаа дуусгавар болсон тухай тогтоолыг хавсралтаас үзнэ үү./

Иймд Цанхийн баруун уурхайн гэрээт олборлогчийг сонгох ЭТТ/201901201 дугаартай тендер шалгаруулалтын Багц №2 “Б”-д холбогдох хэсгийн биелэлтийг түр түтгэлзүүлсэн шийдвэрийг дээрх тогтоолыг үндэслэн хүчингүй болгосон болохыг үүгээр мэдэгдэж байна. Цанхийн баруун уурхайн гэрээт олборлогчийг сонгох ЭТТ/201901201 дугаартай тендер шалгаруулалтын Багц №2 “Б”-г тендерийн баримт бичигт тогтоосон хугацаанд буюу 2019 оны 12 дугаар сарын 02-ны өдрийн 10 цаг 30 минутад нээх болохыг үүгээр мэдэгдэж байна.

Сайн байна уу

Нийслэл дэх Захиргааны хэргийн анхан шатны шүүхийн шүүгчийн 2019 оны 11 дүгээр сарын 05-ны өдрийн 128/Ш32019/8105 дугаартай захирамжийн дагуу тус тендер шалгаруулалтын Багц №2 “Б” Тавантолгой ордын цанхийн баруун уурхайн “Б” багцад хөрс хуулалт, нүүрс олборлолтын ажил гүйцэтгүүлэх багцын үйл ажиллагааг хэрэг хянан шийдвэрлэгдэх хугацаагаар түтгэлзүүлсэн болохыг үүгээр мэдэгдэж байна. Захирамжийг хавсралтаас үзнэ үү.

Дээрх мэдэгдлийг 2019.11.18-ны өдөр буюу Захирамжийг хүлээн авсан өдөр оруулсан боловч системийн үйл ажиллагаанаас шалтгаалан нийтэд харагдахаар нийтлэгдээгүй байсан тул хүлцэл өчье.

Шийдвэр гүйцэтгэх ажиллагаа дуусгавар болсон тухай 2019 оны 11 дүгээр сарын 20-ны өдрийн 11/1118 дугаартай тогтоол гарсан байна. /Шийдвэр гүйцэтгэх ажиллагаа дуусгавар болсон тухай тогтоолыг хавсралтаас үзнэ үү./

Иймд Цанхийн баруун уурхайн гэрээт олборлогчийг сонгох ЭТТ/201901201 дугаартай тендер шалгаруулалтын Багц №2 “Б”-д холбогдох хэсгийн биелэлтийг түр түтгэлзүүлсэн шийдвэрийг дээрх тогтоолыг үндэслэн хүчингүй болгосон болохыг үүгээр мэдэгдэж байна. Цанхийн баруун уурхайн гэрээт олборлогчийг сонгох ЭТТ/201901201 дугаартай тендер шалгаруулалтын Багц №2 “Б”-г тендерийн баримт бичигт тогтоосон хугацаанд буюу 2019 оны 12 дугаар сарын 02-ны өдрийн 10 цаг 30 минутад нээх болохыг үүгээр мэдэгдэж байна.

Сайн байна уу?

Оролцогч этгээдээс 2019 оны 11 дүгээр сарын 21-ний өдрийн 01/11 дугаартай албан бичгээр ирүүлсэн тодруулгын хариуг хүргүүлж байна. Албан бичгийг хавсралтаас үзнэ үү.

1. 100 тонныг автосамосвалын тэвшний эзлэхүүнийг хэдэн м3-ээр тооцох.

Уурхайн диспетчерийн мэдээгээр 100 тоннын даацтай автосамосвалын тэвшний эзлэхүүнийг 32 ... 37 м3-ээр тооцдог болно. Үүнд Terex TR-100 32м3, САТ 777 37м3-ээр тус тус тооцдог. Шаардлагатай тохиолдолд тухайн автосамосвалын тэвшний эзлэхүүнийг хэмжилтээр тодорхойлж болно.

2. Уурхайн технологийн замд Дампын дундаж хурдыг хэдээр тооцох ( дээд хязгаар 40 км/цаг байдаг).

Уурхайд мөрдөгдөж буй журамд тусгасны дагуу технологийн замд автосамосвалын дээд хурд 40 км/цаг, уурхай болон овоолгын налуу замд хурдны дээд хязгаар 30 км/цаг, нүүрсний агуулах, ачих буулгах хэсэгт хурдны дээд хязгаар 20 км/цаг байна.

3. Техникүүдийн / экскаватор, дамп / технологийн үйлдэл хийх хугацааг тухайн Бренд техникүүдийн Техникийн паспортын өгөгдлийн дагуу тооцох болох эсэх

Техникүүдийн технологийн үйлдэл хийх хугацааг тухайн бренд техникийн пасспортын дагуу тооцож болно.

4. Багц А, Б, В багцуудын овоолго хүртэлх хамгийн бага, их тээвэрлэлтийн зай хэдэн км байх.

Уулын ажлыг гүйцэтгэхэд Багц бүрийн овоолго хүртэлх тээврийн зайг ижил байхаар зохион байгуулах ба уурхайн мөргөцгөөс овоолго хүртэлх хамгийн бага зай 6.0 км, хамгийн их тээвэрлэлтийн зай 9.0 км.

Та бүхэнд амжилт хүсье.

Сайн байна уу

Оролцогч этгээдээс албан бичгээр ирүүлсэн тодруулгын хариуг хүргүүлж байна. Албан бичгийг хавсралтаас үзнэ үү.

2019.11.15-ны өдрийн 765/19 дугаартай тодруулгын хариулт:

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 43.5 -д заасан "Худалдан авах гэрээний гүйцэтгэл хоёр жилээс дээш хугацаагаар үргэлжлэх бол захиалагч гүйцэтгэгчийн гүйцэтгэсэн ажлын хувьтай тэнцүү хувиар гүйцэтгэлийн баталгааны дүнг бууруулж болно" гэсэн заалт нь гэрээнд үйлчилнэ.
 

Та бүхэнд амжилт хүсье.

Сайн байна уу

Оролцогч этгээдээс албан бичгээр ирүүлсэн тодруулгын хариуг хүргүүлж байна. Албан бичгийг хавсралтаас үзнэ үү.

2019.11.15-ны өдрийн 764/19 дугаартай тодруулгын хариулт:

Х.1. Тендерийн баримт бичгийн тендер шалгаруулалтын өгөгдлийн хүснэгтийн(ТОӨЗ) 22.1-д хуулбар хувь ирүүлэх шаардлагагүй гэж заасан. Тус тендер нь цахим тендер тул цаасаар хуулбар ирүүлэх шаардлагагүй болно.

Х.2. Тендерийн баримт бичгийн ТОӨЗ-ны 5.2(в)-д Багц №5-д санал ирүүлэх оролцогч нь:

3.3. ДАРААХ АЖИЛТНУУД НЬ ХОЛБОГДОХ ЧИГЛЭЛИЙН СУРГАЛТАНД ХАМРАГДСАН МЭРГЭЖЛИЙН ҮНЭМЛЭХ ЭСХҮЛ ДИПЛОМТОЙ БАЙНА.
• Өрмийн туслах ажилтан-4 ажилтан /3 –с доошгүй жилийн туршлагатай/
• Тэсэлгээчин-10 ажилтан /3–с доошгүй жилийн туршлагатай/
• Цэнэглэгч машины оператор-4 ажилтан /3 –с доошгүй жилийн туршлагатай/
• Аюулгүй ажиллагааны болон байгаль орчны ажилтан-2 ажилтан доошгүй /тухайн чиглэлээр 3-аас доошгүй жилийн туршлагатай/
• Засвар хариуцсан ажилтан-2 ажилтан /3-аас доошгүй жилийн туршлагатай/ гэж заасан бөгөөд дээрх ажилтнууд нь ХОЛБОГДОХ ЧИГЛЭЛИЙН СУРГАЛТАНД ХАМРАГДСАН МЭРГЭЖЛИЙН ҮНЭМЛЭХ, ДИПЛОМЫН аль нэгийг ирүүлэх шаардлагатай.

Х.3.Ажиллах хүчний туршлагын талаарх мэдээллийг Тендерийн баримт бичгийн "ТОӨЗ-ны 5.2(в)-д Багц №5-д санал ирүүлэх оролцогч нь" хэсэгт хамаарах мэдээллийн дагуу бэлтгэн ирүүлнэ үү.

Та бүхэнд амжилт хүсье.

Сайн байна уу

Тодруулгын хариуг хүлээн авна уу

Х.1. Тендерийн баримт бичгийн тендерт оролцогчдод өгөх зааварчилгааны (ТОӨЗ) 5.2(д)-д тухайн "......тендерт оролцогч ТШӨХ-д заасан хугацаанд төрөл болон хэмжээгээр ижил төстэй ажил хийж гүйцэтгэсэн туршлагыг жил жилээр харуулсан мэдээлэл, одоо хийж байгаа болон хийхээр төлөвлөсөн ажлын тухай дэлгэрэнгүй мэдээлэл, тэдгээр гэрээний талаар лавлах мэдээлэл авч болох үйлчлүүлэгч, захиалагчийн хаяг;" 5.3(б)-д "ТШӨХ-д заасан жилийн хугацаанд хэрэгжүүлсэн тухайн гэрээтэй ижил төстэй, доод тал нь нэг удаагийн ажил гүйцэтгэх гэрээний үндсэн гүйцэтгэгчээр ажилласан туршлага (энэ шаардлагыг хангахын тулд нэрлэсэн ажлын доод тал нь 70 хувийг нь гүйцэтгэсэн байх шаардлагатай);" гэж тус тус заасан дагуу Тендер шалгаруулалтын өгөгдлийн хүснэгтийн (ТШӨХ) 5.2(д)-д Багц №4-т санал ирүүлэх оролцогч нь:
"Сүүлийн 2 жил буюу 2017, 2018 онуудад дэвшилтэт технологийн техникийн үйлдвэрлэгчээс уг техникийг нэвтрүүлсэн туршлагын талаарх мэдээлэл ирүүлэх." гэж 5.3(б)-д Багц №4-т санал ирүүлэх оролцогч нь:"Сүүлийн 2 жил буюу 2017, 2018 онуудад дэвшилтэт технологийн техникийг туршсан, хэрэгжүүлсэн тухай туршлагын танилцуулгыг дэлгэрэнгүй ирүүлэх." заасан бөгөөд оролцогч этгээд 5.2(д)-д ирүүлсэн мэдээллийн дэлгэрэнгүй танилцуулгыг 5.3(б)-д ирүүлнэ.

Х.2. Тендерийн баримт бичгийн Багц №4-ийн ажлын даалгаварын 2.16. Уулын ажилд ашиглагдах Техник хэрэгсэл, машин механизм:
"Гүйцэтгэгч нь хүснэгт №1 болон хавсралт зургуудад заасан уулын ажлыг гүйцэтгэх шаардлагатай техник хэрэгсэл, машин механизмаар бүрэн хангагдсан байна. Уурхайд ажиллах ангилан олборлох техник нь Германы Krupp surface miner, Wirtgen surface miner зэрэг фирм болон түүнтэй дүйцэхүйц огтлох булын зарчимаар ажилладаг байх, хоршин ажиллах бусад шаардлагатай техникүүдтэй байна." гэж заасан бөгөөд оролцогч этгээд зөвхөн дээрх фирмын техник санал болгох бус түүнтэй дүйцэхүйц огтлох булын зарчимаар ажилладаг ямарч төрлийн техник санал болгох боломжтой.

Х.3.Тендерийн баримт бичгийн 136 дугаар хуудас буюу тендерийн урилга-д ДОТООДЫН ДАВУУ ЭРХИЙН ЗӨРҮҮ ТООЦОХ тухай заасан.

Мөн түүнчлэн Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 55.1-д "Тендерт оролцогч нь энэ хуулийн 11.2-т заасныг зөрчсөн болон тендерийн баримт бичиг бэлтгэх явцад өрсөлдөөнийг хязгаарласан ямар нэгэн зөрчил гарсан гэж үзвэл гомдлоо тендерийн нээлт хийхээс ажлын 10-аас доошгүй өдрийн өмнө Шударга өрсөлдөөн, хэрэглэгчийн төлөө газарт, захиалагчийн шийдвэрийг эс зөвшөөрсөн, хуульд заасан хугацаанд захиалагч шийдвэр гаргаагүй, эсхүл гэрээ байгуулах эрх олгосон тухай гомдлыг зөвхөн төсвийн асуудал эрхэлсэн төрийн захиргааны төв байгууллагад тус тус ажлын 5 өдрийн дотор гаргана" гэж заасан байдаг болно.

Амжилт хүсье.

Сайн байна уу

Тус  тендер шалгаруулалтын өгөдлийн хүснэгтэд заагдсан мэдээллийг мөрдөж тендерийн баримт бичгийг бэлтгэн ирүүлнэ үү. Багц №4-ийн ажлын даалгаварт бусад багцын ажлын даалгаварт тусгагдсан шаардлага давхардсан алдаа гарсан байх тул бид дээрх алдааг засварлан мэдэгдэх болно.

Та бүхэнд амжилт хүсье.

Сайн байна уу?

Бид оролцогч этгээдийн хэрхэн тендер илгээх цахим программтай холбоотой асуудлын талаар мэдээлэл өгөх боломжгүй тул та бүхэн тус програмтай холбоотой асуудлаар Төрийн өмчийн бодлого зохицуулалтын газрын 263014, 267023, 263026 дугаарын утаснаас болон it@procurement.gov.mn и-мэйл хаягаар хандаж мэдээлэл аваарай.