Хүлээн авах огноо

2020-01-31
10:00

Үлдсэн хугацаа

Дууссан

Улаанбаатар хотод үйл ажиллагаа явуулж байгаа телевизийн үйлчилгээ эрхлэгчдийн хөтөлбөрт байнгын мониторинг хийж, үнэлгээ өгөх, холбогдох арга хэмжээг авч ажиллах

Үр дүн харах
Захиалагч:
Харилцаа холбооны зохицуулах хороо
Тендер шалгаруулалтын төрөл:
Зөвлөх үйлчилгээ
Тендер шалгаруулалтын дугаар:
ХХЗХ/202001021
Урилгын дугаар:
ХХЗХ/202001021/01/01
Санхүүжилтийн эх үүсвэр:
Өөрийн хөрөнгө
Нийт төсөвт өртөг:
232,000,000 ₮
Тухайн онд санхүүжих төсөвт өртөг:
232,000,000 ₮
ХАА-ны мөрдөх журам:
Зөвлөх үйлчилгээний гүйцэтгэгчийг сонгон шалгаруулах журам ,Хосолмол үнэлгээний арга
Цахим тендер эсэх:
Хялбаршуулсан цахим
Тендерийн баримт бичгийн төлөв:
Үр дүн гарсан
ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
Огноо : 2020-01-22
Тендер шалгаруулалтын нэр: Улаанбаатар хотод үйл ажиллагаа явуулж байгаа телевизийн үйлчилгээ эрхлэгчдийн хөтөлбөрт байнгын мониторинг хийж, үнэлгээ өгөх, холбогдох арга хэмжээг авч ажиллах
Тендер шалгаруулалтын дугаар: ХХЗХ/202001021
 
1. Харилцаа холбооны зохицуулах хороо нь Улаанбаатар хотод үйл ажиллагаа явуулж байгаа телевизийн үйлчилгээ эрхлэгчдийн хөтөлбөрт байнгын мониторинг хийж, үнэлгээ өгөх, холбогдох арга хэмжээг авч ажиллах -ыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна. 

2. Энэхүү зөвлөх үйлчилгээ нь 1. Харилцаа холбооны зохицуулах хороо нь телевизийн үйлчилгээ эрхлэгчдийн хөтөлбөрт тавигдах гэрээний үүрэг, дүрэм, журам, нөхцөл, шаардлагын биелэлтэд хяналт, мониторинг хийх ажлыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна. 2. Энэхүү зөвлөх үйлчилгээ нь телевизийн үйлчилгээ эрхлэгчдийн хөтөлбөрт тавигдах гэрээний үүрэг, нөхцөл, шаардлагын биелэлтэд байнгын мониторинг хийх ажлыг гүйцэтгэхэд оршино. Тус хороо нь Монгол Улсын Засгийн Газрын 2010 оны 276 дугаар тогтоолоор батлагдсан “Телевиз, радиогийн зохицуулалтын талаар баримтлах чиглэл”-ийг үндэслэн Харилцаа холбооны зохицуулах хорооны 2015 оны 15 дугаар тогтоолоор шинэчлэн батлагдсан “Өргөн нэвтрүүлгийн зохицуулалт, нөхцөл шаардлага”, 2015 оны 30 дугаар тогтоолоор батлагдсан “Монгол улсын нутаг дэвсгэрт телевиз, радиогийн өргөн нэвтрүүлгийн үйлчилгээг хүргэхэд тавигдах нөхцөл шаардлага”, Улсын их хурлын тухай хуулиар олгосон эрх үүргийн хүрээнд Сонгуулийн ерөнхий хороо, Харилцаа холбооны зохицуулах хорооны 2016 оны 29/17 дугаар тогтоолоор хамтран баталсан “Радио, телевизээр сонгуулийн сурталчилгаа нэвтрүүлэх, хяналт тавих журам”-ын хэрэгжилтийг хангуулах ажлын хүрээнд өргөн нэвтрүүлгийн телевиз, сувгийн хөтөлбөрт тодорхой шаардлага тавьж, хэрэгжилтийг хангуулах талаар арга хэмжээ авч ажилладаг. 2.1 Өргөн нэвтрүүлгийн тухай хууль болон “Өргөн нэвтрүүлгийн зохицуулалт, нөхцөл шаардлага”, “Монгол улсын нутаг дэвсгэрт телевиз, радиогийн өргөн нэвтрүүлгийн үйлчилгээг хүргэхэд тавигдах нөхцөл шаардлага”-ын дагуу Улаанбаатар хотод тусгай зөвшөөрөлтэй 82 телевиз, суваг болон хамрах хүрээ өргөжүүлсэн орон нутгийн 5 телевизийн үйлчилгээ эрхлэгчдийн хөтөлбөрт хяналт, мониторинг хийх чиглэл: • Зар сурталчилгааны мониторинг: нэг цагт дамжуулах зар сурталчилгаа 15 минутаас хэтрэхгүй байх нөхцөл шаардлага хангасан байдал, сурталчилгааны блок, блок тус бүрт ногдох хугацаа, оргил цагт эзлэх хэтрэлт, нийгмийн шинжтэй зар сурталчилгааны хугацаа, зар сурталчилгааны нийлүүлэгчийн салбар, зар сурталчилгааны дотоод гадаад хийц, төлбөртэй телевизээр зар сурталчилгаа дамжуулсан байдлын бүртгэл гаргах болон бусад; • Дотоод, гадаад бүтээлийн мониторинг: хөтөлбөрт гадаад болон дотоодын нэвтрүүлгийн эзлэж буй хувь, 7 хоногийн хөтөлбөрт дотоод нэвтрүүлгийн эзлэх хувь хэмжээ, 50 хувийн шаардлага хангасан байдал, гадаад нэвтрүүлгийг бүтээсэн улс орноор ангилах, бүх нэвтрүүлэг бүтээлийг төрөл жанраар ангилах шинэ дугаар давталтын дугаарын бүртгэл гаргах; • Телевиз, сувгийн өөрийн бүтээлийн цаг, хувь хэмжээ, шинэ дугаар давталтын дугаарын бүртгэл гаргах; • Кино бүтээлийн бүтээсэн улс орон, төрөл, жанраар ангилан гаргах; • Кабелийн сувгийн хөтөлбөрийн нийт цагт эзлэх төрөлжсөн нэвтрүүлгийн хувь хэмжээ, төрөлжсөн чиглэл тус бүрээр, танин мэдэхүйн сувгийн 18-00 цагийн төрөлжсөн чиглэлийн хувь хэмжээ; • Хөтөлбөрт эзлэх соён гэгээрүүлэх, танин мэдүүлэх, хүүхэд боловсролын нэвтрүүлгийн хувь хэмжээ /4 ангилалаар/,15 хувь, 20 хувийн шаардлага хангасан байдал; • Хөтөлбөрт эзлэх хүүхдийн нэвтрүүлгийн нийт цаг, хувь хэмжээ, давтамж, шинэ бүтээлийн нийт цаг, хувь хэмжээ, хүүхэд боловсрол, танин мэдэхүйн нэвтрүүлгийг дохионы хэл бичгэн тайлбартай гаргасан тайлан, нийт цаг, тоо, хувь хэмжээ; • Баннер хэлбэрийн зар сурталчилгаа, байгууллага, бүтээгдэхүүн үйлчилгээний логог дэлгэц дээр гаргасан байдал, урсдаг зар дамжуулсан байдал; • Насанд хүрэгчдэд зориулсан насны ангиллын тэмдэг, тэмдэглэгээтэй, 18 наснаас дээш насныханд зориулсан кино, нэвтрүүлгийг 06:00-22:00 цагийн хооронд нэвтрүүлэх, давтан дамжуулсан байдал, Өргөн нэвтрүүлэгт насны ангилал тогтоох, таних тэмдэг ашиглах шаардлага MNS6587:2016 стандартын хэрэгжилт, мөрдөлт; • Теле-худалдааны чиглэлээр төрөлжсөн сувгаар дамжуулж байгаа арилжааны сурталчилгааны нэвтрүүлгийн хувь хэмжээ, цаг, зар сурталчилгаа дамжуулсан байдлын мониторинг, бүртгэл, тайлан гаргах; • ОСДҮЭ-ийн дотоод гадаад сувгийн жагсаалт, гадаад сувгийн эрхийг эзэмшигч улсын нэр, дамжуулагдаж байгаа хэл, сувгийн хөтөлбөрийн төрөл жанр, чиглэл, зар сурталчилгаа дамжуулсан байдлын тайлан гаргах болон бусад. 2.2 Улсын их хурлын сонгуулийн тухай хууль болон “Радио, телевизээр сонгуулийн сурталчилгаа нэвтрүүлэх, хяналт тавих журам”-ын дагуу тус хорооноос тусгай зөвшөөрөлтэй 151 телевиз, сувгийн үйлчилгээ эрхлэгчдийн хөтөлбөрт хяналт, мониторинг хийх чиглэл: • Радио, телевизээр нэвтрүүлэх сонгуулийн сурталчилгааны нэвтрүүлгийн нийт хугацаа нь хоногт 60 минутаас илүүгүй байх; сурталчилгааны нэвтрүүлгийн хоногт гарах нийт хугацааны хорин таваас илүүгүй хувь нь нэг нам, эвсэлд, түүнчлэн бие даан нэр дэвшигчдэд ногдох; мэдээллийн хөтөлбөрөөр гаргасан нэг нам, эвсэл, нэр дэвшигчийн талаарх мэдээг хоногт таван минутаас хэтрэхгүй байх хэрэгжилт хангасан эсэх; • Сонгуулийн сурталчилгааг сонгуулийн сурталчилгааны хугацаанд дамжуулсан эсэх; зөвшөөрснөөс бусад хугацаанд сонгуулийн сурталчилгаа нэвтрүүлсэн эсэх; дахин болон нэмэлт санал хураалт дуусталх хугацаанд сонгуулийн сурталчилгаа явуулсан эсэх; • Сонгуулийн сурталчилгааны эх сурвалжийг ил тод мэдээлсэн байдал; улс төрийн мэтгэлцээний талаарх нэвтрүүлгийн хяналт, оролцогчдын төлөөлөл шаардлага хангасан эсэх; улс төрийн чансаа тогтоох зорилго бүхий аливаа хэлбэрийн шалгаруулалт, санал асуулга зохион байгуулсан эсэх; нам, эвслийн дарга, нэр дэвшигч нь сонгуулийн сурталчилгаа эхэлсэн өдрөөс хойш санал авах ажиллагаа дуустал сонгуулийн сурталчилгааны бус бие даасан нэвтрүүлэг, хөтөлбөр, ярилцлагад орсон эсэх, сонгуулийн сурталчилгаа эхлэхээс өмнө хийгдсэн аливаа нэвтрүүлэг, хөтөлбөр, дуу, дүрс бичлэг, ярилцлагыг нэвтрүүлсэн эсэх; • Сонгуулийн сурталчилгаа нэвтрүүлэх эрх бүхий радио, телевизээс бусад радио, телевизээр сурталчилгааны нэвтрүүлэг нэвтрүүлсэн эсэх; радио, телевизийн үндсэн сувгаар нэвтрүүлсэн эсэх; • Олон нийтийн радио, телевизээр дамжуулах сонгуулийн сурталчилгааны батлагдсан хуваарь, цагийн биелэлтэд мониторинг хийх болон бусад. Эфирийн өдөр бүрийн цаг:мин:сек-ийн дэлгэрэнгүй протокол, дата сан, хяналт, мониторингийн тайлан, зөрчлийн талаарх, зөрчлийн нотлох баримт зэрэг мэдээллийг тус хорооноос гаргасан ажлын даалгаварын дагуу цаг, хоног, долоо хоног, сар тутмаар гаргаж тогтсон хугацаанд тус хороонд ирүүлнэ. Мониторингийн дүн, дата сангийн хүрээнд тогтсон форматын дагуу аналитик тайланг сар, улирал, жилээр нэгтгэн гаргаж заасан хугацаанд тус хороонд ирүүлнэ. 3. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах баримт, мэдээллийг ирүүлнэ. Үүнд: (1) Зөвлөхийн үйл ажиллагааны танилцуулга, хуулийн этгээдийн гэрчилгээ, компанийн дүрэм, компанийн эзэмшилд хуулийн этгээд бүртгэлтэй тохиолдолд тухайн хуулийн этгээдийн улсын бүртгэлийн гэрчилгээ болон дүрмийн хуулбарыг ирүүлнэ. Жич: Зөвлөх болон хяналт, мониторинг хийх ажлын хүрээнд хамрагдаж байгаа этгээд нь компанийн тухай хуулийн 6.14-т заасан /нэг/ нэгдлийн оролцогчид биш байна. Зөвлөх нь тус хорооноос олгодог өргөн нэвтрүүлгийн телевиз, кабелийн сувгийн тусгай зөвшөөрөлтэй үйл ажиллагаа эрхлэгч бус байх ба гүйцэтгэх удирдлагын хувьд сүүлийн 3 жил аль нэг телевиз, суваг, радиогийн удирдлагаар ажиллаагүй байна. Зөвлөх нь тус хорооноос тусгай зөвшөөрөлтэй телевиз, сувгийн үйлчилгээ эрхлэгчийн хөтөлбөрийг дамжуулах, дахин дамжуулах, 3 дагч талд хэрэглэгчийн болон бусад гэрээний хүрээнд хүргэх үйлчилгээ эрхлэгч бус байна; (2) Монгол улсын хуулийн дагуу татвар, хураамж, төлбөр төлсөн талаарх эрх бүхий байгууллагаас гаргасан баримт бичиг. (3) Шүүхийн ерөнхий зөвлөл болон шүүхий шийдвэр гүйцэтгэх байгууллагын лавлагаа, тодорхойлолт; (4) Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуулийн 14.6-д заасан мэдэгдэл; (5) Зөвлөх нь гэрээний үүргийн биелэлтийг хангах санхүүгийн чадавхийг нотлох харилцагч банкны мэдэгдэл, баталгаажсан сүүлийн жилийн санхүүгийн тайлан, зөвлөхийн орон тоо, цалин, бусад зардлын тооцооны хүснэгт, тайлан; (6) Тендерт оролцогчийн сүүлийн 2 жилийн хугацаанд хэрэгжүүлсэн тухайн гэрээтэй ижил төстэй үйлчилгээний жагсаалт, судалгааны ажлын жагсаалт, гэрээний хугацаа, бүрэн гүйцэтгэсэн болохыг тодорхойлсон өмнөх үйлчлүүлэгчийн тодорхойлолт; (7) Зөвлөх нь туршлага, чадвартай хяналт мониторингийн ажилтан, статистик судалгааны мэргэжилтэн, техник ашиглалт хариуцсан болон програм хангамж, систем хөгжүүлэлт хариуцсан мэргэжлийн инженер техникийн ажилтан зэрэг хамгийн багадаа 18 боловсон хүчнээс бүрдсэн багтай байх, эдгээр ажилтан, ажилчдын жагсаалт, боловсрол, мэргэжлийн ур чадвар, туршлагын товч танилцуулга; (8) Ажлын байр талбайн зураг, хэмжээ, серверийн өрөөний тоо, хэмжээ, нөхцөл, танилцуулга; (9) Хяналт, мониторингд хамрагдах бүх телевиз, сувгийн сигналыг нэгэн зэрэг хүлээн авах техникийн шийдэл, техникийн нөхцөл, нөөц боломж, эфирийн бичлэг хийх, 3 сар хадгалах сервер, архивын систем, тайланг даалгаврын дагуу нэгтгэх, боловсруулах, хөгжүүлэлт хийх систем, програм хангамж, тоног төхөөрөмжийн жагсаалт, үзүүлэлт, энэ талаарх танилцуулга. болно.

3. Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох мэдээллийг (ижил төрлийн ажлын туршлага, ажиллах боловсон хүчний чадвар, туршлагын талаарх мэдээлэл гэх мэт) ирүүлнэ.

Ажлыг богино хугацаанд чанартай гүйцэтгэх зорилгоор зөвлөхүүд түншлэлийн хэлбэрээр оролцох боломжтой эсэх  Зөвшөөрөхгүй

4. Сонирхсон этгээд нэмэлт мэдээллийг 2020 оны 01 -р сарын 30 -ны өдрийн 16 цаг 00 минут хооронд авч болох бөгөөд мэдүүлгээ Худалдан авах ажиллагааны цахим систем (www.tender.gov.mn)-ээр 2020 оны 01 -р сарын 31 -ны өдрийн 10 цаг 00 минут-ны дотор ирүүлнэ үү.
Монгол, Улаанбаатар, Сүхбаатар дүүрэг, 6-р хороо , Сүхбаатарын гудамж-13, Метро бизнес төв, А-корпус, 5 давхар , Утас: 11304258 , Факс:
Имэйл хаяг: info@crc.gov.mn
Веб сайт: www.crc.gov.mn

ХОЛБОО БАРИХ

Хаяг: Монгол улс, Улаанбаатар хот-210349, Баянзүрх дүүрэг, Энхтайвны өргөн чөлөө, Засгийн газрын IX байр, Төрийн худалдан авах ажиллагааны газар
Утас: 7979-0000
И-мэйл: it@procurement.gov.mn
© 2016-2021 Төрийн худалдан авах ажиллагааны газар