Тодруулга 8:

Тендерт орох болсонтой холбогдуулан Таван толгой ордын цанхийн зүүн уурхайн нүүрсний агуулахаас тээврийн хэрэгсэлд ачилт хийлгэх ажлын даалгавраас тодруулах зүйлс:

Инженерийн ажил хэсгийн 1.3.1-д зааснаар Захиалагчийн шаардлагын дагуу гэрээний хавсралтад заасан төлөвлөгөөний тухайн сард гүйцэтгэх ажлын 1 хувьд ногдох хэмжээний бүтээлийн бус инженерийн ажлыг гүйцэтгэнэ гэсэн нь Зам арчлалтын ажил, хөмсөг нүүлгэх, отвол шилжүүлэх зэрэг ачилтаас бусад ажлыг тооцох эсэх?

Хариулт:

Зам арчлалтын ажил, хөмсөг нүүлгэх нь инженерийн ажилд орохгүй, нүүрстэй холбоотой ажлууд \овоолго шилжүүлэх, ялгах гэх мэт\ орно.

Тодруулга 8:

Байгаль орчин, усны бодлого, орчны хамгаалалт, нөхөн сэргээлт хэсгийн 1.4.1 -д заасан Гүйцэтгэгч нь байгаль орчин, усны бодлого хариуцсан төрийн захиргааны төв байгууллагын баталсан байгаль орчны менежментийн төлөвлөгөөний дагуу гэрээт олборлогчийн хүлээх үүргийг хуваарийн дагуу биелүүлнэ гэсэн байна. Энэ нь Нүүрс ачилтыг гүйцэтгэх ААН-ийн кемпийн үйл ажиллагаатай холбогдон гарах шаардлага гэж ойлгох ба харин уурхайн ачилтын талбайг услах 2 ширхэг усны машиныг усаар хангах нь Захиалагч тал хариуцна гэж ойлгож болох уу?

Хариулт:

1.4.1-д заасан нь Нүүрс ачилтыг гүйцэтгэх ААН-ийн кемпийн үйл ажиллагаа болон  нүүрс ачилтын үйл ажиллагаатай холбоотой бүхий холбогдон гарах шаардлага гэж ойлгоно. ЭТТ нь худгийн усаар хангах ба усны төлбөрийг хуулийн дагуу тооцон гүйцэтгэгч талаас авдаг болно. Мөн шаардлагатай тохиолдолд ус цэг гаргаж ашиглах үүрэгтэй.

Тодруулга 9:

Нүүрс ачилтын үнэлгээ хэсгийн 1.6.1-д зааснаар Захиалагч нь нүүрс ачилтын ажлын гүйцэтгэлийн төлбөрийг гүйцэтгэгч талд бэлнээр болон нүүрсээр төлнө гэсэн нь Гэрээний нийт үнийн дүнгийн хэдэн хувьд нүүрсээр төлбөрөө хийхээр төлөвлөж байгаа вэ?

Хариулт:

Нүүрс ачилтын төлбөрийг бэлэн мөнгөөр төлнө. /Гэрээгээр зохциуулна/

Тодруулга 7:

Ажлын даалгаврын 8-р бүлэгт заасан Үйл ажиллагааны хуваарьт ажил эхэлснээс хойш 1 жилийн хугацаанд үзүүлэх нийт ажлын үнэ ба нэгж үнийн задаргаа, тооцоог тендерийн хамт ирүүлнэ. Тендерийн үнэд зардал, бүх төрлийн татвар, даатгал зэрэг бүх зардлыг оруулан тооцно гэсэн байна. Тендерт төсвийг зөвхөн 1 жилээр тооцож илгээх үү эсвэл бүтэн 3 жил буюу нийт ажлаараа явуулах уу?

Хариулт:

Тендерийн төсвийг 3 жилээр тооцоолон ирүүлнэ.

Тодруулга 1:

Дараах асуудлуудаар тодруулга авах хүсэлтэй байна.

Ажлын даалгаврын 2.7-д заасан ажлын шилжүүлэх талбайн зай хэмжээ хэд вэ?

Хариулт:

Нүүрсний овоолгод шилжүүлэх бол 100-500 метр, хөрсний овоолго руу шилжүүлэх бол 3000-5000м.

Тодруулга 2:

Ажлын даалгаврын 2.8-д заасан нийт зам талбайн хэмжээ хэд вэ?

Хариулт:

Цанхийн зүүн уурхайн нүүрс ачилтын талбай 20 га.

Тодруулга 3:

Ажлын даалгаврын 2.12-д заасан талбайн судалгаа хийх ажлын бүрэн мэдээлэл өгөх боломжтой юу?

Хариулт:

Тендерт оролцогч тал нь ажлын туршлага, мэргэжлийн ур чадварын хүрээнд шийдвэрлэн тендерт саналаа ирүүлнэ.

Тодруулга 4:

Ажлын даалгаврын 1.3.3-д заасан уурхайн гадна замын маршрут тоо хэмжээ хэрхэн тооцох вэ?

Хариулт:

Уурхайгаас кемп хүртэл 7км, Уурхайгаас Цогтцэцийн сум хүртэл 20км ба сард 1-2 удаа.

Тодруулга 5:

Хог хаягдлын талбай хүртэлх зай хэмжээ хэд вэ?

Хариулт:

Хог хаягдалын талбай уурхай буюу нүүрс  ачилтын талбайгаас 20 км байна.

Тодруулга 6:

ТШӨХ-ийн 4.2г-ийн 7-д заасан техник тоног төхөөрөмж бэлэн байлгах хугацаа 60 хоног гэж заасан ТШӨХ-ийн 12.1-н 7-д техникийн бэлэн байх хугацааг 30 хоног гэж заасан энэ 2-н аль заалтыг баримтлах вэ?

Хариулт:

Техник тоног төхөөрөмжүүд нь Монгол Улсад байгаа бол 30 хоног, Гадаад улсаас авч угсрах бол 60 хоног

Тендерийн тодруулгуудын хариулт нь тодруулгын ирсэн цаг хугацаагаар орсон тул тодруулгын хэсгийг бүрэн гүйцэд шалгана уу!

Тодруулга 1:

Ажлын даалгаврын 1.6-д заасан нүүрс ачих ажлын нэгж үнэлгээг төг/тонн-оор тооцно. Ажиллаж байгаа болон нөөцөд байх ачигчуудын ажиллах 1 мото-цагийг үнэлгээг гарган хавсралтаар ирүүлнэ гэж заасан байна. Үүний нөөцөд байх ачигчуудын сул зогсолтыг хэдэн хувиар тооцох вэ? саналын үнийн задаргаан дээр тн.төг тооцоолох уу мот/цагаар тооцоолох уу?

Хариулт:

Нүүрс ачих ажлын нэгж үнэлгээг төг/тонн-оор тооцно. Ажлын даалгаврын 1.6.1-д ажлын даалгаварт шаардсан техник тоног төхөөрөмжүүдийг төслийн явцад захиалагч түрээслэх шаардлага гарах үед үнэлгээ тодорхой байх үүднээс мот/цагаар үнэлгээг хавсралтаар ирүүлэхээр заасан. Ажлын даалгаврын 2.2.5-д ачилтын нөөц техникийг бэлэн байлгах үүрэгтэй гэж заасан.

Тодруулга 2:

ТШӨХ 4.2.г-д заасан техникийг худалдан авах гэрээ, урьдчилгаа төлбөрийн баримтууд нь өөрийн техникийн тоогоор бодогдож үнэлгээнд орох уу?

Хариулт:

Худалдах, худалдан авах гэрээгээр /урьдчилгаа төлбөрийн хийж/ гадаад улсаас 60 хоногийн дотор нийлүүлэхээр тохиролцсон техник, тоног төхөөрөмж нь өөрийн техникт орох боловч, 80-аас доошгүй хувь нь өөрийн эзэмшлийн байна гэсэн заалтад хамаарахгүй.

Тодруулга 3:

ТШӨХ-33.1-т Гүйцэтгэлийн баталгааг ирүүлэх гэсэн байна. Энэ нь тендерийн баримт бичигтэй хамт ирүүлэх үү? гэрээ байгуулахын өмнө ирүүлэх үү?

Хариулт:

Тендерт шалгарсан этгээд гэрээ байгуулахын өмнө гүйцэтгэлийн баталгааг ирүүлнэ.

Хөл хорионы хугацааг сунгасантай холбоотойгоор тендер хүлээн авах эцсийн хугацааг 2021 оны 5 дугаар сарын 13-ны өдрийн 10 цаг, тендерийн баталгааны хүчинтэй байх хугацааг 2021 оны 7 дугаар сарын 10-ны өдрийг дуустал болгож тус тус өөрчлөв.

Тендерийн  баримт бичигтэй холбоотой өөрчлөлт

Засгийн газраас гаргасан 2021 оны 4 дүгээр сарын 10-ны өдрөөс 25-ны өдөр хүртэл хөл хорио тогтоосонтой холбоотойгоор тус тендерийн материал ирүүлэх хугацааг "2021 оны 4 дүгээр сарын 30-ны өдрийн 10 цаг" болж өөрчиллөө. Мөн тендерийн баталгааны хүчинтэй байх хугацааг "2021 оны 6 дугаар сарын 27-ны өдөр дуустал" болж өөрчлөгдсөн.

Цанхийн зүүн уурхайн нүүрс ачих үйлчилгээ гүйцэтгэгчийг сонгон шалгаруулах тендертэй холбоотой ирсэн тодруулга

Тодруулга 1:

Ажлын даалгавар 2.13-т гүйцэтгэх ажил хэдэн вагон зэрэг ачихаар тооцох вэ? Төмөр замын далангийн өндөр хэд байх вэ? Хэрвээ хөл хорио тогтоовол тендер шалгаруулалт хойшлох уу?

Хариулт:

1. ЭТТ нь төмөр замын вагонд нүүрсийг ачилтын байгууламжаар дамжуулан ачих ба тухайн байгууламж нь ашиглалтад орох явцаас шалтгаалан утгуурт ачигчаар вагонд ачих шаардлага гарч болзошгүй. Иймд вагонд зэрэг ачих нь тухайн үеийн ачааллаас шалтгаална. Тооцоонд 2-3 вагонд зэрэг ачихаар төсөөлөх шаардлагатай.
2. Төмөр замын далангийн өндөр одоо хийгдэж байгаа төслөөр нарийвчлагдан гарна. Гадаргуугаас шалтгаалан 0.5-2.0 м хүртэл байна.
3. Засгийн газрын 2021 оны 03 дугаар сарын 31-ний өдрийн хуралдаанаар Улаан түвшинд буюу бүх нийтийн бэлэн байдлын зэрэгт шилжүүлэхгүй байхаар шийдвэрлэсэн тул Цанхийн зүүн уурхайн нүүрс ачих үйлчилгээ үзүүлэгчийг сонгон шалгаруулах тендерийн материал хүлээн авах, нээх, хүчинтэй байх хугацааг сунгахгүй.

Тодруулга 2:

1. ТББ-ын хавсралт В маягт: Урьдчилгаа төлбөрийн баталгааг ирүүлэх үү, ирүүлэх бол дүн нь хэдэн төгрөг вэ?
2. Гэрээ байгуулагдсанаас хойш ажил хэдий хугацаанд эхлэх вэ?
3. Техникүүдийн үйлдвэрт захиалагчаас марк заах уу?
4. Тендерийн материалыг Санхүүгийн санал, Техникийн саналыг тус бүрд нь битүүмжлэн явуулах уу?
5. Ажлын даалгаврын 2.12-т тусгасан материалыг явуулахад шаардлагатай техникийн нөхцөл, үзүүлэлтийг гаргаж өгнө үү.
6. Ажлын даалгаврын 2.13-т тус ажлыг гүйцэтгэгч өөрийн хөрөнгөөр гүйцэтгэх үү? Эсвэл захиалагчийн хөрөнгөөр гүйцэтгэгч хийж гүйцэтгэх үү?

Хариулт:

1. Тус үйлчилгээг гүйцэтгэхэд захиалагчаас урьдчилгаа төлбөр олгохгүй тул урьдчилгаа төлбөрийн баталгаа шаардахгүй.
2. Тендерийн баримт бичгийн гэрээний тусгай нөхцөлийн 2.2.2-т заасан хугацаа буюу гэрээ байгуулсан өдрөөс хойш 30 хоногийн дотор эхэлнэ.
3. Техникүүдийн үйлдвэрт захиалагчаас марк заахгүй.
4. Зөвлөхийн бус тендер нь Нээлттэй тендер шалгаруулалтын зарчмаар явдаг тул холбогдох журам, зааварчилгааны дагуу цахимаар ирүүлнэ.
5. Тендерт оролцогч тал нь ажлын туршлага, мэргэжлийн ур чадварын хүрээнд шийдвэрлэн тендерт саналаа ирүүлнэ.
6. Гүйцэтгэгч өөрийн хөрөнгөөр гүйцэтгэнэ.

Тодруулга 3:

Ажлын даалгавар хэсгийн 2.12 хэсэгт заагдсан “Төмөр замын бүтээн байгуулалтын ажил дуусгавар болж ашиглалтад ороход Цанхийн зүүн уурхайгаас төмөр замын вагонд нүүрсийг хэрхэн яаж ачих талаар судалгаа хийж, төлөвлөгөө боловсруулан ирүүлэх” энэ хэсгийг тендерийн материалд хавсарган хүргүүлэх тохиолдолд шаардлагатай мэдээлэл /зай, талбайн хэмжээ, хэчнээн тонн материалын нөөцтэй байх, ямар техникээр агуулахдаа зөөх, холбогдох параметрүүд/ байхгүй байна.

Хариулт:

Тендерт оролцогч тал нь ажлын туршлага мэргэжлийн хүрээнд шийдвэрлэн тендерт саналаа ирүүлнэ. Талбайн хэмжээ нь тухайн утгуурт ачигч саадгүй ажиллах нөхцөлийг хангасан, паспортод тохирсон байна. Ачих нүүрсийг талбайд захиалагч тал буулгана.

Тендерийн баримт бичигт орсон өөрчлөлт:

Тендерийн баримт бичгийн 4.4.б-д дараах өөрчлөлтийг оруулав.

Сүүлийн 3 жилийн /2018, 2019, 2020 он/ хугацааны аль нэг жилд тухайн үйлчилгээтэй ижил төстэй ажил гэрээгээр гүйцэтгэж байсныг нотлох 1 гэрээ болон гэрээ дүгнэсэн акт эсхүл тодорхойлолт ирүүлэх. Тодорхойлолт нь тендер зарласан хугацаанаас хойш байна.

Тендерийн баримт бичгийн гэрээний тусгай нөхцөлийн 2.2.2-т дараах өөрчлөлтийг оруулав.

Үйлчилгээг гэрээ байуулагдсан өдрөөс хойш 30 хоногийн дотор эхлүүлнэ.

Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 10 дугаар зүйлийн 10.2 дахь хэсэгт заасны дагуу зөвлөхийн бус үйлчилгээнд давуу эрх тооцохгүй.

Тендерийн баримт бичгийн ТШӨХ-т дараах өөрчлөлтүүд оров.

1/ ТШӨХ-ийн (4.2.г) Техник:

• 7 м³ болон түүнээс дээш утгуурын багтаамжтай дугуйт ачигч 6-аас доошгүй байх /сард 1 сая.тн-оос багагүй нүүрс ачих хүчин чадал бүхий ачигчтай байх/.

2/ ТШӨХ-ийн 9.1 Тодруулга:

Тендерт оролцогч тендерийн баримт бичигтэй холбоотой тодруулга, нэмэлт мэдээллийг тендер хүлээн авах эцсийн хугацаанаас ажлын таваас доошгүй хоногийн өмнө захиалагчаас авах хүсэлтийг www.tender.gov.mn-ээр гаргаж болно.

Захиалагч тодруулга, нэмэлт мэдээлэл авах хүсэлтийн хариуг хүсэлт гаргагчийн нэрийг дурдалгүйгээр цахим систем дэх тендерийн баримт бичгийн “тодруулга” хэсэгт нийтэлнэ. Ийнхүү нийтэлсэн даруйд тус тодруулга, нэмэлт мэдээллийг бүх тендерт оролцогчдод нэгэн зэрэг хүргүүлсэнд тооцно.

Тендерийн баримт бичгийн тодруулга, нэмэлт мэдээлэлтэй холбогдуулан захиалагч тендер хүлээн авах эцсийн хугацаанаас ажлын 3-аас доошгүй хоногийн өмнө тендерийн баримт бичигт нэмэлт, өөрчлөлт оруулах, тендер хүлээн авах эцсийн хугацааг сунгах эрхтэй ба энэ нь тендерийн баримт бичгийн салшгүй нэг хэсэг байна.

3/ ТШӨХ (33.1)

Гүйцэтгэлийн баталгаа ирүүлэх “Шаардлагатай” Гэрээний үнийн дүнгийн 5 хувиар гэрээ байгуулахаас өмнө 3 жилээр ирүүлнэ. Гэрээ байгуулахад Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 43 дугаар зүйлийн 43.5 дахь заалтыг хэрэглэж болно.

4/  Хавсралт зурагнуудыг нэмж оруулав.

• Зураг №1. Талбайн схем зураг
• Зураг №2. Нүүрс ачилтын паспорт

Тендерийн баталгааны хүчинтэй байх хугацааг 2021 оны 6 дугаар сарын 12-ны өдрийг дуустал болгож өөрчлөв.