ТЕНДЕРТ ОРОЛЦОГЧДОД

Тодруулга хүргүүлэх тухай

Шударга өрсөлдөөн, хэрэглэгчийн төлөө газар /цаашид “ШӨХХТГ” гэх/-ын 2022 оны 03 дугаар сарын 23-ны өдрийн 01/533 дугаартай албан бичгээр “Байдрагийн гол дээр барих УЦС-ын ТЭЗҮ боловсруулах”, БХБЯ/202202220 дугаартай зөвлөх үйлчилгээний тендерийн баримт бичигтэй холбоотой “Монхидроконстракшн”ХХК-аас ирүүлсэн гомдлыг Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 55.4-т заасны дагуу гомдлыг хянан үзэн хэлэлцэж шийдвэрлэх хүртэлх хугацаанд тус тендер шалгаруулалттай холбогдуулан гаргасан захиалагчийн шийдвэр буюу үйлдлийн хэрэгжилт, тендер шалгаруулалтын материал авах, нээлт хийх үйл ажиллагааг түр түдгэлзүүлсэн тухай чиглэл ирүүлсний дагуу 2022 оны 03-ны өдрийн 24-ний өдрөөс эхлэн тендер хүлээн авах хугацааг түр түдгэлзүүлсэн.

Шударга өрсөлдөөн, хэрэглэгчийн төлөө газрын “Тендерийн баримт бичигт холбогдох гомдлыг хянасан тухай” 2022 оны 4 дүгээр сарын 05-ны өдрийн 01/601 дугаартай албан бичигт тус тендерийн баримт бичгийн ТӨХ-ийн ТӨЗ 4.4.4-т “... Дээрх инженер, техникийн ажилтнууд нь тухайн байгууллагын үндсэн ажилтан байх шаардлагатай бөгөөд нийгмийн даатгалын шимтгэлийг сүүлийн 6 сар буюу 2021 оны 9, 10, 11, 12 дугаар сар, 2022 оны 01, 02 дугаар саруудад тендерт оролцогч тасралтгүй төлсөн байна.” гэж заасныг үндэслэл бүхий судалгаагүйгээр  тус заалтыг оруулсан байна гэж үзэн Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 6 дугаар зүйлийн 6.1-д “Худалдан авах ажиллагаанд ил тод, өрсөлдөх тэгш боломжгүй, үр ашигтай, хэмнэлттэй, хариуцлагатай байх зарчмыг баримтална.” гэж заасныг зөрчсөн гэж үзэх үндэслэлтэй гэж үзсэн байна.

Иймд ШӨХХТГ-аас ирүүлсэн чиглэлийн дагуу “Байдрагийн гол дээр барих УЦС-ын ТЭЗҮ боловсруулах”, БХБЯ/202202220 дугаартай зөвлөх үйлчилгээний тендерийн жишиг баримт бичгийн ТӨХ-ийн ТӨЗ 4.4.4-т дараах өөрчлөлт орсныг мэдэгдэж байна. Үүнд:

• “... Дээрх инженер, техникийн ажилтнууд нь тухайн байгууллагын үндсэн ажилтан байх шаардлагатай бөгөөд нийгмийн даатгалын шимтгэлийг сүүлийн 6 сар буюу 2021 оны 9, 10, 11, 12 дугаар сар, 2022 оны 01, 02 дугаар саруудад тендерт оролцогч тасралтгүй төлсөн байна.”, “...Гидрологич болон гидрогеологийн инженер нь гэрээт ажилтан байж болно.” гэснийг нэгтгэж “Дээрх голлох ажилтнуудын 7-оос багаггүй хүн нь үндсэн ажилтан байх ба төслийн ахлагч, усны барилга, байгууламжийн инженер, цахилгааны инженер, барилгын инженер нь заавал үндсэн ажилтан байх шаардлагатай бөгөөд сүүлийн 3 сар буюу 2022 оны 01, 02, 03 дугаар саруудад тендерт оролцогч тасралтгүй төлсөн байна. Гэрээт ажилчдын хувьд тухайн төсөл, арга хэмжээнд зориулан байгуулсан гэрээг заавал хавсарган ирүүлсэн байна.” гэж өөрчлөх;
• “Гидрологич болон гидрогеологийн инженер нь гэрээт ажилтан байж болно.” гэснийг хасах.

Мөн ШӨХХТГ-ын 2022 оны 04 дүгээр сарын 12-ны өдрийн “тендер шалгаруулалтыг хуульд нийцүүлэн үргэлжлүүлэх явуулах тухай” 01/648  дугаартай албан бичгийг үндэслэн “Байдрагийн гол дээр барих УЦС-ын ТЭЗҮ боловсруулах”, БХБЯ/202202220 дугаартай зөвлөх үйлчилгээний тендерийн жишиг баримт бичгийн ТӨХ-д дараах өөрчлөлт орсныг тус тус мэдэгдэж байна.

• ТӨЗ 3.5-д “Хүчинтэй байх хугацаа: 2022 он 06 сар 03 өдөр” гэж заасныг “Хүчинтэй байх хугацаа: 2022 он 06 сар 22 өдөр” болгож өөрчлөх;
• ТӨЗ 4.10-т “Санхүүгийн санал нь түүнийг хүлээн авах эцсийн хугацаанаас хойш [30] хоног буюу [2022.05.06] хүртэл хүчинтэй байна.” гэж заасныг “Санхүүгийн санал нь түүнийг хүлээн авах эцсийн хугацаанаас хойш [30] хоног буюу [2022.05.25] хүртэл хүчинтэй байна.” болгож өөрчлөх;
• ТӨЗ 5.5-д “Саналыг 2022 оны 04-р сарын 06-ны өдрийн 13 цаг 00 минутаас өмнө ирүүлсэн байх ёстой.” гэж заасныг “Саналыг 2022 оны 04-р сарын 25-ны өдрийн 13 цаг 00 минутаас өмнө ирүүлсэн байх ёстой.” болгож өөрчлөх.

ТЕНДЕРИЙН ҮНЭЛГЭЭНИЙ ХОРОО

ТЕНДЕРТ ОРОЛЦОГЧДОД

Тодруулга хүргүүлэх тухай

Барилга, хот байгуулалтын яамнаас зарласан “Байдрагийн гол дээр барих УЦС-ын ТЭЗҮ боловсруулах”, БХБЯ/202202220 дугаартай зөвлөх үйлчилгээний тендерийн жишиг баримт бичгийн “Зөвлөхийн тендерийн урилга”-ын 2.3-д “Хайдродизайн прожект ХХК, Хайдродизайн инженеринг ХХК-ийн түншлэл” гэж зөвлөхийн нэрийг буруу бичсэнийг “Хайдродизайн прожект ХХК, Хидро инженеринг ХХК-ийн түншлэл” болгон өөрчилснийг үүгээр мэдэгдэж байна.

ТЕНДЕРИЙН ҮНЭЛГЭЭНИЙ ХОРОО

ТЕНДЕРТ ОРОЛЦОГЧДОД

Тодруулга хүргүүлэх тухай

Барилга, хот байгуулалтын яамнаас зарласан “Байдрагийн гол дээр барих УЦС-ын ТЭЗҮ боловсруулах”, БХБЯ/202202220 дугаартай зөвлөх үйлчилгээний тендерийн жишиг баримт бичгийн “Тендерийн өгөгдлийн хүснэгт”-ийн ТӨЗ 3.5-д “Хүчинтэй байх хугацаа: 2022 он 05 сар 04 өдөр” гэж заасныг “Хүчинтэй байх хугацаа: 2022 он 06 сар 03 өдөр” болгож өөрчилснийг үүгээр мэдэгдэж байна.

ТЕНДЕРИЙН ҮНЭЛГЭЭНИЙ ХОРОО