ТЕНДЕРТ ОРОЛЦОХЫГ СОНИРХОГЧ КОМПАНИУДАД   

Тодруулга хүргүүлэх тухай

Асуулт 1: Төв аймгийн Баян-Өнжүүл сумын нутагт хийгдэх АТП-8071, АТП-8072 дугаар бүхий дэд өртөөнөөс гарсан 0.4 кВ-ын агаарын шугамын уртын хэмжээ, хэдэн тулгуур солих? Эдгээр АТП-нүүдийн 0.4 кВ-ын ЦДАШ-аас тэжээгддэг айл өрхийн тоо зэрэг ажлын тоо хэмжээ?

Хариулт 1: Энэхүү тендер шалгаруулалт нь “Түлхүүр гардуулах гэрээ”-ний нөхцөлтэй нээлттэй тендер шалгаруулалт тул тендерт оролцогч барилга байгууламжийн зураг төсөл, инженерийн тооцоо, тоног төхөөрөмж нийлүүлж, суурилуулан, уг барилга байгууламжийг ашиглалтад бэлэн болгохтой холбогдсон хоорондоо уялдаа бүхий ажлыг гүйцэтгэхээр тендерийн материалыг бэлтгэн ирүүлнэ. Тендерийн баримт бичгийн ТОӨЗ-ны “Тендерийн зардал хэсэг”-ийн 7.2-т “Тендерт оролцогч нь тендерийн баримт бичиг бэлтгэх болон тоног төхөөрөмжийг нийлүүлэх, суурилуулах гэрээ байгуулах явцдаа тоног төхөөрөмж суурилуулах газар, орчныг өөрийн биеэр очиж шалгаж үзэх зэргээр шаардлагатай мэдээллийг өөрөө олж авна. Газар дээр нь очиж танилцах өртөг нь тендерт оролцогчдын өөрсдийнх хариуцах зардал болно” гэж заасан. Иймээс тендерт оролцогч нь 0.4 кВ-ын агаарын шугамын уртын хэмжээ, хэдэн тулгуур солих зэргийг төсөл хэрэгжих газар очиж судалж, Захиалагчаас өгсөн техникийн нөхцөл, ажлын зургийн даалгаврын дагуу тендерийн материалыг бэлтгэн ирүүлэх нь зүйтэй юм.

Асуулт 2: Баянхонгор аймгийн 3 сумын зөвхөн 0.4 кВ-ын ЦДАШ-ыг шинэчлэх ажлыг хийх /айл өрхийн тоо өгөгдөөгүй учир/ гэж ойлгож болох уу?

Хариулт 2: Техникийн нөхцөлд айл өрхийн тоо тусгагдаагүй тул тендерт оролцогч техникийн нөхцлийн дагуу ажлын тоо хэмжээг тооцон тендерийн материал ирүүлнэ.

Асуулт 3: Тоолуур төвлөрүүлэлтийг 1 хайрцагт хэдэн айл өрхөөр гэж дундчилж тооцох вэ?

Хариулт 3: Ашиглагч байгууллагын техникийн шаардлагын тодорхойлолтыг дагаж мөрдөнө.

Эрчим хүчний яам           

ТЕНДЕРТ ОРОЛЦОХЫГ СОНИРХОГЧ КОМПАНИУДАД   

Тодруулга хүргүүлэх тухай

Асуулт 1: Баянхонгор аймгийн Баянговь, Баацагаан, Бууцагаан, Сэлэнгэ аймгийн Шаамар, Хүдэр, Сүхбаатар сумдад хэрэгжих барилга угсралтын ажилд одоо байгаа 0.4 кВ-ын Аш-ын трассын схем хаанаас тодруулах, одоо байгаа 0.4 кВ-ын АШ-ыг төмөр бетон тулгууртай, СИП утастай болгох ажил хийхээр өгөгдсөн байна, өөр өгөгдөл байхгүй энэ зөв үү, тоолуурын нэгтгэл хийх ажлын өртөл байхгүй учир хийгдэхгүй юу, сумдад хийгдэх техникийн нөхцлөөс өөр материал ирүүлээгүй байна?

Хариулт 1: Энэхүү тендер шалгаруулалт нь “Түлхүүр гардуулах гэрээ”-ний нөхцөлтэй нээлттэй тендер шалгаруулалт тул тендерт оролцогч барилга байгууламжийн зураг төсөл, инженерийн тооцоо, тоног төхөөрөмж нийлүүлж, суурилуулан, уг барилга байгууламжийг ашиглалтад бэлэн болгохтой холбогдсон хоорондоо уялдаа бүхий ажлыг гүйцэтгэхээр тендерийн материалыг бэлтгэн ирүүлнэ. Тендерийн баримт бичгийн ТОӨЗ-ны “Тендерийн зардал хэсэг”-ийн 7.2-т “Тендерт оролцогч нь тендерийн баримт бичиг бэлтгэх болон тоног төхөөрөмжийг нийлүүлэх, суурилуулах гэрээ байгуулах явцдаа тоног төхөөрөмж суурилуулах газар, орчныг өөрийн биеэр очиж шалгаж үзэх зэргээр шаардлагатай мэдээллийг өөрөө олж авна. Газар дээр нь очиж танилцах өртөг нь тендерт оролцогчдын өөрсдийнх хариуцах зардал болно” гэж заасан. Иймээс тендерт оролцогч нь одоо ашиглагдаж байгаа 0.4 кВ-ын ЦДАШ, түүний трассыг төсөл хэрэгжих газар очиж судалж, Захиалагчаас өгсөн техникийн нөхцөл, ажлын зургийн даалгаврын дагуу тендерийн материалыг бэлтгэн ирүүлэх нь зүйтэй юм.

Асуулт 2: Төв аймгийн Лүн, Баян-Өнжүүл сумдад олгосон техникийн нөхцөлийн хугацаа дууссан?

Хариулт 2: Тендерийн баримт бичигт хавсаргасан техникийн нөхцөл дэх ажлын тоо хэмжээ хүчин төгөлдөр тул уг техникийн нөхцлийн дагуу тендерт оролцогч тендерийн материалыг бэлтгэн ирүүлж болно.

Асуулт 3: Баянхонгор аймгийн Бууцагаан, Баацагаан, Баянговь, Төв аймгийн Лүн сумдад айл өрхийн тоолууржуулалтын ажил байхгүй гэж ойлгох уу?

Хариулт 3: Техникийн нөхцөлд тоолууржуулалтын ажил тусгагдаагүй тул тендерт оролцогч техникийн нөхцлийн дагуу ажлын тоо хэмжээг тооцон тендерийн материал ирүүлнэ.

Асуулт 4: Баянхонгор аймгийн Баянговь сумын техникийн нөхцөл №14-ийн 5-р заалт “Хөрөнгийн эх үүсвэрийг хүсэлт гаргасан иргэн /байгууллага/ бүрэн хариуцна” гэснийг юу гэж ойлгох вэ?

Хариулт 4: Уг ажил нь улсын төсвийн хөрөнгө оруулалтаар хэрэгжиж байгаа тул барилга угсралтын ажлын хөрөнгийг Захиалагч хариуцна.

Асуулт 5: Төв аймгийн Лүн суманд 0.4 кВ-ын төмөр бетон тулгууртай СИП дамжуулагч бүхий ЦДАШ, 250 кВА чадлын 2ш АТП-г шинээр барьж АТП-8083, АТП-8081, АТП-8082, КТПН-8425-аас ачаалал хөнгөлнө гэж ойлгох нь зөв үү?

Хариулт 5: Төв аймгийн Лүн суманд хийгдэх 0.4 кВ, 0.22 кВ-ын шугам сүлжээний өргөтгөл, шинэчлэлийн ажлын УБЦТС-2016-19 шифртэй зураг, төсөл нь цахим системд дутуу байршсан тул энэхүү зургийг хавсралтаар хүргүүлж байна.

Иймээс Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 24 дүгээр зүйлийн 24.3-т заасныг тус тус үндэслэн тендерт оролцогчдод тендерийн материал бэлтгэх боломжийг бүрдүүлж, тендер хүлээн авах хугацааг сунгаж, тендерт оролцогчдын материалыг 2018 оны 12 дугаар сарын 12-ны өдрийн 15:00 хүртэл хүлээн авч, 15:30 цагт нээх болсныг үүгээр мэдэгдье.

Эрчим хүчний яам