Анхааруулга: Монгол Улсын Их Хурлын 2019 оны 03 дугаар сарын 22-ны өдрийн хуралдаанаар батлагдсан “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуульд нэмэлт өөрчлөлт оруулах тухай” хууль 2019 оны 06 дугаар сарын 01-ний өдрөөс эхлэн дагаж мөрдөгдөх бөгөөд уг хуулийн 55 дугаар зүйлийн 55.9-д “Тендерт оролцогчдын гомдлыг үндэслэлгүй гэж шийдвэрлэсэн тохиолдолд энэ хуулийн 20.7.3-т заасны дагуу тендерийн баталгааг улсын орлого болгох дээд хэмжээ 20 сая төгрөгөөс хэтрэхгүй. Гомдлыг үндэслэлтэй гэж шийдвэрлэсэн бол тендерийн баталгааг буцаан олгоно.” гэж заасан тул тендерт оролцогч тухайн төсөл, арга хэмжээний тендерийн баримт бичгийн шаардлагыг хангаж буй эсэх, нотлох баримтуудыг бүрэн гүйцэт бэлдсэн эсэхээ сайтар нягталж үзсэний үндсэн дээр тендер шалгаруулалтад оролцож байхыг хүсье. Учир нь тендер шалгаруулалтын үр дүнг үл зөвшөөрч Сангийн яаманд гаргасан гомдол “үндэслэлгүй” гэж шийдвэрлэгдсэн тохиолдолд тендерийн баталгааг улсын орлого болгох эрх зүйн зохицуулалт 2019 оны 06 дугаар сарын 01-ний өдрөөс үйлчилж эхлэхийг үүгээр анхааруулж байна.