Тодруулга №2. 

1. Тендерийн баримт бичгийн ТОӨЗ 13.1 (ж)-д “Зураг төсвийн үнэ, геодезийн ажлын үнэ, геологийн дүгнэлтийн зардал нь санал болгож буй тендерийн үнийн дүнд багтсан байна.” гэж заасан байна. Захиалагчийн зүгээс геодезийн ажил болон геологийн дүгнэлтийг ирүүлэх боломжтой гэж үзэж байгаа бөгөөд энэхүү тендерийн баримт бичигт геодезийн ажил болон геологийн дүгнэлт хийх ажил дурьдагдаагүй байна. Иймд геодезийн ажлын үнэ, геологийн дүгнэлтийн зардлыг санал болгож буй үнэнд тусгайлан тооцож хүргүүлэх шаардлагатай эсэхийг тодруулж өгнө үү.

2. ЭҮХХК/201910488 тоот тендерийн баримт бичгийн Гэрээний ерөнхий нөхцөл зарим заалттай холбогдуулан гэрээний тусгай нөхцлийн нилээдгүй заалтуудыг шинээр нэмж оруулах, дэлгэрүүлэх, гэрээ байгуулах шатанд талууд харилцан зөвшилцөж шийдвэрлэх боломжтой эсэхийг албан ёсоор тодруулах шаардлагатай байна. Жишээ нь: Гэрээнд заавал тусгагдах шаардлагатай оюуны өмч, төлбөрийн хуваарь, даатгал гэх мэт зохицуулалтай холбогдуулан тендерт оролцогчийн зүгээс өөрийн саналыг тендертээ тусгах боломжтой эсэх, эсхүл зөвхөн гэрээний хэлэлцээрийн шатанд эдгээр асуудлыг хоёр тал харилцан тохиролцох замаар тодорхойлох эсэх талаар тодруулж өгнө үү.

3. Тендер хүлээж авах эцсийн хугацааг зургаан долоо хоногоор сунгах хүсэлт гаргаж байна.  

Тодруулгын хариулт:

1. Ажлын зураг төсөв тендерийн үнэнд багтана. Ажлын зураг төсөв хийхэд шааардлагатай геодези болон геологийн дүгнэлтийг гэрээ хийх шатанд Захиалагч гаргаж өгөх боломжтой. Харин IPCC-ийн тоног төхөөрөмжийн усгралт, суурилуулалтын үеийн геодезийн үйлчилгээг Гүйцэтгэгч хариуцах ба Түлхүүр гардуулахдаа гүйцэтгэлийн зураг, зүсэлтийг Захиалагчид хүлээлгэн өгнө. 

2. Гэрээнд заавал тусгагдах шаардлагатай оюуны өмч, төлбөрийн хуваарь, даатгал гэх мэт асуудлыг гэрээ хэлэлцээрийн шатанд харилцан зөвшилцөж тохиролцоно. 

3. Тендер хүлээж авах хугацааг хойшлуулах боломжгүй

​

№1 Тодруулга хүсэлт:

Тендерийн бичиг баримтын ТОӨЗ 6.2 (д) заасны дагуу 15 жилийн гүцйэтгэсэн ажлын туршлагатай байх шаардлагыг тавьж байгаа бөөөд бидний зүгээс гадаадын туршлагатай компанитай хамтран оролцох болно. Иймд олон улсын жишгийн дагуу ижил төстөй тендерийн хугацааг 2-3 сар байдаг тул тендерийн материал бэлтгэх хугацааг сунгаж өгнө үү. 

Тодруулгын хариу:

ТӨРИЙН БОЛОН ОРОН НУТГИЙН ӨМЧИЙН ХӨРӨНГӨӨР БАРАА, АЖИЛ, ҮЙЛЧИЛГЭЭ ХУДАЛДАН АВАХ ТУХАЙ хуулийн 32 дугаар зүйлийн холбогдох заалт мөн уг хуулийн 32.5-д заасныг үндэслэж тендерийн хугацааг тогтоосон ба та бүхний хугацааг сунгаж өгөхийг хүссэн хүсэлтийг хүлээн авах боломжгүй байгааг мэдэгдэж байна.