Тодруулга.

1. Шаардлага: 19.1. Тендерт оролцогч, түүний нийлүүлэх бараа нь захиалагчийн шаардсан техникийн тодорхойлолт болон шаардлагад нийцэж буйг нотлох баримтыг тусгайлан бэлтгэж тендерт ирүүлнэ.

Нотлох баримт тусгайлан бэлтгэх гэдгийг юу гэж ойлгох вэ?

• Өөрсдийн санал болгож буй тоног төхөөрөмжийн бодит мэдээлэл, техникийн үзүүлэлт, тодорхойлолтыг тендерийн баримт бичигт тусгах. Өнөөдрийн хүртэл ихэнх тендерт оролцогчид бидний зарласан техникийн тодорхойлолтыг хуулж тавьдаг. Иймд үйлдвэрлэгчээс тоног төхөөрөмжийн нарийвчилсан техникийн тодорхойлолтыг албан ёсоор авах шаардлагатай. Интернет танилцуулгад голчлон товч тодорхойлолтыг тавьсан байдаг. Захиалагчийн шаардсан техникийн тодорхойлолтод нийцэж байгаа эсэхийг үзүүлэлт бүрээр батлах ёстой.

Техникийн тодорхойлолт хэсэгт заасанчлан:

1. Шаардлага: UL, CSA олон улсын чанарын шалгуур хангасан сертификаттай байх.

Асуулт: Уг стандарт нь Хойд Америк болон Канад улсуудад хүлээн зөвшөөрөгддөг стандарт, өөрөө хэлбэл UL нь Хойд Америк, CSA нь Канад улсад бүтээгдэхүүн худалдаалахад хэрэглэгддэг стандарт юм.  

• Тийм, олон улсын чанарын шаардлага хангасан бараа бүтээгдэхүүн авахийн тулд оруулсан.  

Монгол улсад лабораторийн хацарт бутлуур худалдан авахад Хойд Америк, Канад улсын стандартыг мөрдөх шаардлагатай вэ? Эсвэл үйлдвэрлэгч орны чанарын стандартыг хангасан сертификат байж болох уу?

• Тус сертификат нь олон улсын чанар болон баталгааг илтгэдэг. Ашиглалтын  хугацаанд засвар үйлчилгээ, явцын дунд гарах эвдрэл гэмтлийг тухайн үйлдвэрлэгч хариуцах зэрэг олон давуу талтай. Хятадад угсарсан, хуулбарласан, баталгаагүй төхөөрөмж нийлүүлэгдснээр ашиглалтын явцад үүссэн эвдрэл гэмтлийг эргээд засуулах газар, хариуцах эзэн олддоггүй, мөн эрүүл мэндийн чанарын шалгуур хангаагүй бутлуур ашиглах явцад үйлдвэрлэлийн осол гарах эрсдэл маш өндөр байдаг. UL, CSA олон улсын чанарын шалгуурт энэ шалгуурыг маш өндөр тавьдаг.

1. Шаардлага: Засвар, үйлчилгээг гүйцэтгэх эрх бүхий тусгай зөвшөөрөлтэй байх.

Асуулт: Үйлдвэрлэгч талаас бүтээгдэхүүнээ баталгаат хугацаандаа  хариуцах бөгөөд онлайн сургалтаар хангана. Бидний зүгээс дээрх асуудлуудаар бүхий л талаас дэмжиж үйлдвэрлэгч, эцсийн хэрэглэгчийг холбож ажиллана.

• Онлайнаар тохиргоо хийж болох ч бодит механик гэмтэл, эвдэрсэн эд ангиудыг бүрэн хариуцах асуудал байгаа. Бидний ашиглалтын хугацаа нилээд удаан (10 гаруй жил), дээр нь тасралтгүй ажиллагаатай байдаг. Хятад бутлуурууд чанарын шаардлага хангадаггүй, баталгаат хугацааны үед хэвийн ажилладаг ч 2-3 жилийн дараанаас  эвдрэл гэмтэл ихтэй, мөн мөн ажиллагсдын эрүүл мэндэд ноцтой хохирол учруулах нөхулийг үүсгэдэг.

Дээр бичсэн тайлбарыг харна уу.

Засвар, үйлчилгээг гүйцэтгэх эрх бүхий тусгай зөвшөөрөлтэй байх байгууллага гэдэг нь үйлдвэрлэгч эсвэл төлөөлөн тендерт оролцогч байгууллагын аль нь болохыг тайлбарлаж өгнө үү?

– Төлөөлөн тендерт оролцогч байгууллага үйлдвэрлэгчээс засвар, үйлчилгээг гүйцэтгэх эрх бүхий тусгай зөвшөөрөлтэй байна.

1. Шаардлага: Тест хийсэн тухайн үйлдвэрлэгчийн мэдээлэл, сертификат эх хувь.

Асуулт: Та бүхний мэдэж байгаачлан сертификатыг эх хувиар хүргүүлэх боломжгүй. Иймд сертификатийн эх хувь гэдгийг үйлдвэрлэгчээс ирүүлсэн гэрчилгээний хуулбар хувь гэж ойлгож болох уу?

• Хуулбар байж болно. Гэхдээ нотариатаар баталгаажих ба үйлдвэрлэгчийн  холбогдох утас, майл хаяг, сайт зэргийг тусгах.

Үйлдвэрлэгч нь барааг захиалгын дагуу үйлдвэрлэдэг тул тухайн бүтээгдэхүүнд хийсэн туршилтын тайланг хавсаргах боломжгүй. Энэ асуудлыг хэрхэн шийдвэрлэх нь зүйтэй вэ?

• Бид зах зээлд бүрэн танигдсан,  манайтай ижил төстэй үйл ажиллагаа явуулдаг газруудад ашиглагддаг тоног төхөөрөмжийг л захиалж байгаа. UL/CSA сертификаттай байхад тухайн бүтээгдэхүүнд хийгдсэн туршилтын тайлан шаардлагагүй. Бид үйлдвэрлэгчээс ирүүлсэн CSA сертификат дээрхи кодын дагуу тухайн бүтээгдэхүүний талаархи дэлгэрэнгүй мэдээллийг шалгах боломжтой