Оролцогчдод тодруулга хүргэх тухай:

1. ТӨХ-ийн 4.2.е: "Сүүлийн 3 жилийн ..." гэдгийг тус бүр "Сүүлийн 2 жилийн ..." гэж өөрчлөх

2. ТӨХ-ийн 4.2.з: Шүүхийн тусгай архивын лавлагаа, Шүүхийн шийдвэр гүйцэтгэх газрын тодорхойлолтыг цахим хэлбэрээр авна. Тендерт оролцогч Төрийн худалдан авах ажиллагааны цахим систем (www.tender.gov.mn)-д өөрийн үндэсний тоон гарын үсэг ашиглан тендерийн нээлт хийхээс 3-аас доошгүй хоногийн өмнө нэвтрэн орж шүүхийн тусгай архивын лавлагаа авах хүсэлтийг илгээх бөгөөд Шүүхийн ерөнхий зөвлөл хянан үзэж лавлагаа цахимаар илгээдэг болохыг анхаарна уу. Шүүхийн шийдвэр гүйцэтгэх газрын тодорхойлолт авах хүсэлтийг тендерт оролцогч Худалдан авах ажиллагааны цахим систем (www.tender.gov.mn)- д өөрийн үндэсний тоон гарын үсэг ашиглан тендерийн нээлтээс өмнө хүчин төгөлдөр тодорхойлолтыг цахим хэлбэрээр ирүүлнэ. Жич: Дээрх 2 лавлагаа авах зааварчилгаатай www.tender.gov.mn цахим системийн хэрэглэгчийн хөтөч цэсээс танилцана уу.

3. ТӨХ-ийн 4.4.д: Санхүүгийн чадавхын талаар энэ зүйлд заасан шалгуур үзүүлэлт, шаардлагыг хангах бусад баримт: “Шаардана” 1. Гэрээний үүргийн биелэлтийг хангах мөнгөн хөрөнгийн хэмжээ: Батлагдсан төсөвт өртгийн 50 хувиас багагүй байх. Гэрээний үүргийн биелэлтийг хангах мөнгөн хөрөнгийн хэмжээг нийт дүнг дараах шалгуур үзүүлэлтүүдийн аль нэгээр эсвэл нийлбэрээр тус тус тодорхойлно. Үүнд: 1. Байгууллагын харилцагч банкны дансны үлдэгдэл (Харилцагч банкны дансны үлдэгдлийн тодорхойлолт ирүүлсэн байна.) 2. Шугаман зээлийн эрхийн зарцуулаагүй үлдэгдлийг баталгаажуулсан харилцагч банкны тодорхойлолт эсвэл харилцагч банкнаас авч болох мөнгөн дүн бүхий судлагдсан зээлийн тодорхойлолт ирүүлнэ. /Банкны судлан үзэж зээл олгох боломжтой болон шалгарсан тохиолдолд зээлийг судлаж олгох боломжтой гэсэн тодорхойлолтыг үнэлгээнд тооцохгүй./ 3. Үнэт цаас, Засгийн газрын бонд болон Үнэт цаасны зах зээлийн тухай хуулийн 5 дугаар зүйлийн 5.1 дэх хэсэгт заасан үнэт цааснууд; Жич: Дээрхи заасан хэмжээ, өгөгдөл, шаардлагыг хангаагүй бол тухайн тендерээс татгалзана.Банк бус санхүүгийн байгууллагын зээлийн тодорхойлолтыг үнэлгээнд тооцохгүй.

4. ТӨХ-ийн 12.1-ийн 3: Монгол Улсын хуулийн дагуу татвар, хураамж, төлбөрөө тухайн тендер нээсэн өдрийн байдлаар бүрэн төлсөн, өр төлбөргүй байх шаардлагатай. Нийгмийн даатгал, татварын тодорхойлолтыг ирүүлэх шаардлагагүй, “Төрийн худалдан авах ажиллагааны цахим систем” www.tender.gov.mn болон “Төрийн мэдээлэл солилцооны ХУР систем”-ээр дамжуулан Татварын ерөнхий газар, Нийгмийн даатгалын ерөнхий газрын цахим мэдээллийн сангаас шалгана. /Тендерт оролцогчийн ирүүлсэн татвар, нийгмийн даатгалын тодорхойлолтыг үнэлгээнд харгалзан үзэхгүй./

5. ТӨХ-ийн 12.1-ийн 4: Мэргэжлийн тогооч 2-оос доошгүй байх ба ядаж 1 нь үндсэн ажилтан байна. Мэргэжлийн тогооч нарын хувьд 2022 оны 09-12-р сарууд болон 2023 оны 01, 02-р саруудад НДШ төлсөн байх шаардлагатай. (Мэргэжлийн болон цахим үнэмлэх бусад материалыг ирүүлэх)

6. ТӨХ-ийн 16.1: "Тендерийн баталгааны хувь хэмжээ нь 1,650,260 төгрөг байна." гэдгийг "Тендерийн баталгааны хувь хэмжээ нь батлагдсан төсөвт өртгийн 0.5% буюу 825,130 төгрөг байна."

7. Ажлын тоо хэмжээ болон үйлчилгээний тодорхойлолт: "Үдийн цай" хөтөлбөрт хамрагдах нийт сурагчдын тоо 782, үүнээс 1-3-р ангийн 461 сурагч, 4-5-р ангийн нийт 321 сурагч хамрагдах ба 1 хүүхдэд ногдох 1 өдрийн төсөвт өртөг нь 1500 төг болно. 2023 онд бага анги нийт 33 долоо хоног хичээллэх ба үүнээс 1-3-р анги 32 долоо хоног, 4-5-р анги 33 долоо хоног хичээллэнэ. Гэрээ байгуулагдаж "Үдийн цай" нийлүүлсэн өдрөөс өмнөх санхүүжилт хасагдаж тооцогдоно.